Цемент ачиж явсан автомашин онхолдож, нэг хүн амиа алджээ.

    Тодруулбал, Баян-Өлгий аймгийн Ногооннуур IX багийн Цагааннуур тосгоны Зээлтийн даваа гэдэг газар буюу Цагааннуур тосгоны чиглэлд цемент ачиж явсан том оврын ачааны автомашин онхолдсон тухай дуудлага тус аймгийн Онцгой байдлын газарт иржээ. Дуудлагын дагуу Баян-Өлгий аймгийн  Онцгой байдлын газрын Эрэн хайх, аврах бүлгийн алба хаагчид тухайн газар очиход, "Норд Бенз" загварын ачааны автомашин замын хажуу руу онхолдож, 36 настай иргэн эмэгтэй нас барсан байдалтай олджээ. Улмаар иргэний цогцсыг Цагдаагийн газрын хэрэг бүртгэгчид шилжүүлэн өгсөн байна.