Монголын жүдо бөхийн холбооноос санаачлан хэрэгжүүлж буй “Judo Kids-2” төслийн хүрээнд 21 аймаг, 330 сумыг дэвжээ, татамитай болгох ажлын хүрээнд Увс аймгийн Наранбулаг суманд жүдо бөхийн татами гардуулан өглөө. Мөн тус суманд төрж  өссөн Монгол Улсын Хөдөлмөрийн баатар, Ардын багш, гавьяат тамирчин О.Балжинням багшийн нэрэмжит Ерөнхий боловсролын сургууль шинэчлэгдэн байгуулагдаж, түүний нэрэмжит Баруун бүсийн өсвөр үеийн жүдо бөхийн аварга шалгаруулах тэмцээн амжилттай зохион байгуулагдаж байна. Энэхүү төсөл нь орон нутгийн хүүхэд, залуусыг жүдо бөхийн спортоор хичээллэх нөхцөлөөр хангах, спортыг түгээн дэлгэрүүлэх, ирээдүйн шилдэг тамирчдыг төрүүлэн гаргах зорилготой юм.