Гадаадын иргэдийг дээрэмдэж, 1.2 тэрбум төгрөгийг нь хулгайлсан хэрэг гарсан байдаг. Тодруулбал, жилийн өмнө буюу 2022 оны нэгдүгээр сарын 3-ны өдөр Хан-Уул дүүргийн 11 дүгээр хорооны нутаг дэвсгэрт хятад иргэд "Халдлагад өртөж, 1.2 тэрбум төгрөгөө дээрэмдүүллээ" гэх мэдээлэл цагдаагийн байгууллагад ирсэн. Дуудлага, мэдээллийн дагуу Эрүүгийн цагдаагийн газрын мөрдөгч, хошууч А-аар ахлуулсан бүрэлдэхүүн шалгаж байсан юм.

Уг хэргийг Монгол Улсын таван ирэн бүлэглэж, үйлдсэн нь тогтоогдсон бөгөөд цагдаагийн байгууллагаас саатуулж, шалгаж байсан билээ. Тэгвэл уг хэргийн мөрдөн шалгах ажиллагаа дуусаж, хэргийг шүүхэд шилжүүлэх саналтайгаар прокурорт хүргүүлсэн талаар эх сурвалж мэдээллээ.