“Нүүрсний хулгайчдын нэрсийг зарла” гэх иргэдийн эсэргүүцлийн жагсаал өнгөрсөн оны арванхоёрдугаар сарын 4-нд эхэлсэн байдаг. Жагсаал өдгөө ч үргэлжилсээр, тэмцэгчид шаардлагаа Засгийн газарт хүргүүлсээр байгаа юм.

           Тэгвэл жагсагч, тэмцэгчид оны өмнө иргэн Б.Бат-Очир буюу Монголоо гэх залууг цагдаагийн байгууллагад байцаагдахаар яваад ор сураггүй алга болчихлоо хэмээн мэдэгдсэн юм. Мөн тэд “Бидэнтэй хамт тэмцэж байсанэ хоёр хүүхэдтэй, 25 настай аав нас барчихлаа” зэрэг мэдээллийг цахим сүлжээгээр дамжуулан өгөөд байсан билээ.

Харин алга болсон гэх иргэн Б.Бат-Очир жүжигчин У.Цогтбаярын шинэ киноны нээлтэд оролцож, аюулд ороогүй гэдгээ хэлсэн байдаг. Бид түүнтэй холбогдож, энэ талаар тодруулахад “Цагдаа нар намайг байцаахаар хүчээр авч яваагүй. Мэдүүлэг өг гэж дуудахаар нь би өөрөө очсон. Цагдаагийн албан хаагчид намайг айлгаж, сүрдүүлсэн зүйл байхгүй. Харин утсыг минь шалгах шаардлагатай учраас хурааж авсан. Тэгээд удалгүй буцааж өгсөн. Миний утаснаас ноотой, ноцтой зүйл илрээгүй. Алга болсон гэх хоног, хугацаанд би гэртээ амарч байсан. Утасгүй байсан учраас хүмүүстэйгээ холбогдож чадаагүй” гэлээ.