Нүүрсний экспорт, тээвэрлэлтийн асуудлаар нээлттэй сонсгол болж байна. Иргэд нээлттэй сонсголыг Их танхимд зохион байгуулахыг шаардсаны улмаас 13:00 цаг хүртэл хойшилж, түр хугацаанд завсарлаад байна.

        Харин Төрийн ордны гадна талбайд залуучууд нүцгэлж, нээлттэй сонсголд оруулахыг шаардаж, эсэргүүцлээ илэрхийлээд байгаа юм. Тэгвэл хувцсаа тайлж, эсэргүүцлээ илэрхийлсэн иргэн ухаан алдаж унажээ. Биеийн байдал нь муудсан иргэнийг эмнэлгийн байгууллагад шилжүүлж, яаралтай тусламж үйлчилгээг үзүүлж байна.

Яг одоо Төрийн ордны гадна талбайд хувцсаа тайлж, тэмцэж байгаа иргэдэд эрүүл мэндийн байгууллагаас анхааруулга, санамж, зөвлөгөөг өгөн ажиллаж байна. Тодруулбал, эрүүл мэндийн байгууллагаас “Хувцсаа тайлсан хүмүүс осголтын нэгдүгээр зэрэгт байна. Хоёр, гуравдугаар зэрэгт орвол зүрх зогсох аюултай” гэх мэдээлэл өгч байна