Утаа сүүлийн 20 орчим жил Улаанбаатар хотын иргэдийн уушгины өвчин эмгэг, нас баралтын тэргүүлэх шалтгаан байж ирсэн. Улмаар 2019 онд У.Хүрэлсүхийн Засгийн газар түүхий нүүрс Улаанбаатар хот руу нэвтрүүлэхийг хориглож, оронд нь сайжруулсан шахмал түлшнийх хэрэглээнд нэвтрүүлсэн. Ингээд 2020, 2021 оны өвөл Улаанбаатар хотын утаа нэмэгдэхүйц буурч, "Утаа алга болсон" гэж нийтээр итгээд байлаа. Гэтэл энэ өвөл өнөөх уушгины эрлэг утаа Улаанбаатарчуудыг дахин түгшээд эхэллээ. Засгийн газрын зүгээс утаа их байгаа шалтгааныг тодруулахаар Байгаль орчин, аялал жуулчлалын сайд Н.Уртнасан, Эрчим хүчний сайд Н.Тавинбэх, Улаанбаатар хотын захирагч Д.Сумъяабазар нарт долоо хоногийн хугацаа өгсөн гэх. Тэгвэл Эргэлт.мн мэдээллийн сайд "Эргэлтийн дуран" булангийнхаа энэ удаагийн дугаарт Улаанбаатар хотын таван цэгээс утааны бодит байдлыг зураглалаа.