Ж.БАЙГАЛМАА: Хүүхдүүдийн 85 хувь нь амьсгалын замын цочмог хүнд халдвартай байна

2023-01-10, 415

Томуу, томуу төст өвчний тархалтын талаар ХӨСҮТ-ийн дэд захирал Ж.Байгалмаа мэдээлэл өглөө.

Тэрбээр "Томуу, томуу төст өвчний тархалт сүүлийн гурван долоо хоногт нэмэгдэж байна. Нэгдүгээр сарын 9-ний байдлаар амбулаториор үйлчлүүлэгчийн 13 хувь нь томуугийн шалтгаантай байгаа нь өмнөх долоо хоногоос гурван хувиар өссөн үзүүлэлт юм. Томуугийн В, H1N1 болон А хүрээний вирус давамгайлж, өвчлөл үүсгэж байна. Эмнэлэгт хэвтэн эмчлүүлэгчдийн 30 хувь нь амьсгалын замын цочмог хүндрэлийн шалтгаантай байгаа нь өнгөрсөн долоо хоногийнхоос зургаан хувиар нэмэгдсэн үзүүлэлт байна. Яаралтай тусламжийн тасгаар эмчлүүлж байгаа хүүхдүүдийн 72 хувь, хүүхдийн тасагт хэвтэн эмчлүүлж буй хүүхдүүдийн 85 хувь нь амьсгалын замын цочмог хүнд халдвартай. Сэхээн амьдруулах, эрчимт эмчилгээний тасагт хэвтэн эмчлүүлж байгаа хүүхдүүдийн 76 хувьд нь мөн амьсгалын замын цочмог хүнд халдвартай байна. Томуугийн улирлыг угтуулан 2022 оны аравдугаар сараас эхлэн тав хүртэлх насны хүүхэд, жирэмсэн эхчүүд, 65-аас дээш насны архаг суурь өвчтэй хүмүүст томуугийн дархлаажуулалтыг эхлүүлсэн. Вакцинд хамрагдсан байдал улсын хэмжээнд 82 хувьтай байна" гэв.

Вакцинд хамрагдсан байдал:

Хүүхдийн вакцинжуулалт-99 хувь

Жирэмсэн эхчүүд- 14 хувь

65-аас дээш насныхан- 74 хувь

ЭМБ-ын ажилтнуудын-85 хувьд нь томуугийн вакцинд хамрагдсан.

Эмнэлэгт хэвтэн эмчлүүлсэн хүүхдүүдэд:

100 хувь халуурсан, ханиалгасан

20 хувь нь нусгайрах

38 хувьд нь амьсгаадах шинж тэмдэг илэрсэн гэж мэдээллээ.

Ж.БАЙГАЛМАА: Хүүхдүүдийн 85 хувь нь амьсгалын замын цочмог хүнд халдвартай байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.