Баянзүрх дүүргийн Прокурорын газраас ялтан Д.Монголхүүгийн эдлээгүй үлдсэн долоон сар найм хоног зорчих эрхийг хязгаарлах ялыг хорих ялаар солиулах тухай прокурорын дүгнэлт үйлдэж хувийн хэргийн хамт ирүүлснийг шүүх хүлээн авч, өнөөдөр шүүх хуралдаанаар хянан хэлэлцжээ.

     Сүхбаатар дүүргийн Эрүүгийн хэргийн анхан шатны шүүхийн 2022 оны тавдугаар сарын 25-ны өдрийн 556 дугаар шийтгэх тогтоол, Нийслэлийн Эрүүгийн хэргийн давж заалдах шатны шүүхийн 2022 оны наймдугаар сарын 25-ны өдрийн 854 дугаар магадлалаар М-г Эрүүгийн хуульд заасан “Хууль сахиулагчийг эсэргүүцэх” гэмт хэрэг үйлдсэн гэм буруутайд тооцож, нэг жилийн хугацаагаар зорчих эрхийг хязгаарлах ял шийтгэжээ.

    Ялтан Д.Монголхүүгийн  шүүхийн шийдвэрийн дагуу зорчих эрхийг хязгаарлах ялыг эдэлж байх хугацаандаа буюу 2023 оны нэгдүгээр сарын 11-ний өдөр тогтоосон маршрутаас гарсан, мөн 2023 оны хоёрдугаар сарын 25-ны өдөр цахим хяналтын төхөөрөмжийг унтрааж ял эдлүүлэх ажиллагаанд санаатайгаар саад учруулсан болох нь шүүхийн хэлэлцүүлэгт шинжлэн судалсан, хавтаст хэрэгт авагдсан нотлох баримтаар нотлогдон тогтоогдсон тул ялтан М-ийн эдлээгүй үйлдсэн зургаан сар найм хоногийн зорчих эрхийг хязгаарлах ялыг зургаан сар найма хоног хорих ялаар сольж шийдвэрлэсэн байна.

Эрүүгийн хуульд зорчих эрхийг хязгаарлах ялыг биелүүлээгүй бол ялтны зорчих эрхийг хязгаарлах ялын эдлээгүй үлдсэн хугацааны нэг хоногийг хорих ялын нэг хоногоор тооцож хорих ялаар солих аж.