Монгол Улсын Ерөнхийлөгч У.Хүрэлсүхийн БНХАУ болон Япон Улсад айлчилсан айлчлалын талаар Гадаад харилцааны сайд Б.Батцэцэгээс тодрууллаа. Тэрбээр “Монгол Улсын Ерөнхийлөгчийн энэ удаагийн төрийн айлчлал сайхан болж өндөрлөлөө.  Япон Улстай дипломат харилцаа тогтоосны 50 жилийн ой болж, арга хэмжээнүүдийг төлөвлөсний дагуу зохион байгуулж, хаалтын үйл ажиллагааг Япон Улсад зохион байгууллаа. Бид өнгөрсөн 10 жилийн хугацаанд Япон Улстай  бүх салбарт хамтын ажиллагааг өргөжүүлэх талаар ярилцаж байсан. Тиймээс цаашид хамтран ажиллах хамтын ажиллагааг өргөжүүлэх, бүс нутгийн хамтын ажиллагааны талаар Ерөнхийлөгч байр сууриа илэрхийлсэн.  Манайд иж бүрэн стратегийн түншлэлтэй хоёр орон байдаг. Бид БНХАУ-тай стратегийн түншлэлийн хүрээнд худалдаа, эдийн засаг, хамтын ажиллагааны томоохон тохиролцоонуудыг ярьсан. Тухайлбал, худалдааны эргэлтийг нэмэгдүүлэх, урт хугацаанд гэрээ байгуулах зорилтууд хэрэгжүүлэхээр ажиллаж байгаа. БНХАУ-ын хоёрдугаар их хурлын дараагаар тэргүүн эгнээнд авах төрийн айлчлалын эгнээнд Монгол Улсын Ерөнхийлөгчийн хүлээн авсан нь хоёр улсын хамтын ажиллагааны ач холбогдлыг илэрхийлж байна” гэлээ.