Монголын анхны “Балдорж” шагналт редакц, МСНЭ-ийн “Ган үзэг” шагналт Эргэлт.мн мэдээллийн сайт үүсгэн байгуулагдсаны хоёр жилийн ой тохиож байна. “Оюунлаг ирээдүйн төлөө” уриатай Эргэлт.мн мэдээллийн сайт 2020 оны есдүгээр сарын 9-ний өдөр үүсгэн байгуулагдсан. Үүсгэн байгуулагдсан цагаасаа эхлэн Эргэлт.мн мэдээллийн сайт нь оюунлаг ирээдүйг бүтээхийн төлөө нийгмийг соён гэгээрүүлэх, танин мэдүүлэх, үнэн бодит, тэнцвэртэй мэдээллээр уншигчдыг шуурхай хангах үүргээ нэр төртэйгөөр биелүүлэн ажиллаж байна.

                            Эргэлт.мн мэдээллийн сайт нь сэтгүүл зүйн шилдэг бүтээлд олгодог “Балдорж” сангийн шилдэг төслийн уралдаанд Эргэлт.мн мэдээллийн сайтын “Ковид-19” ба монголчуудын амьдрал” төсөл шалгарч, Монголын анхны “Балдорж” шагналт редакц болсон. Түүнчлэн Эргэлт.мн мэдээллийн сайт нь 2021 оны дөрөвдүгээр сард “Оюунлаг эргэлт” медиа групп болон үйл ажиллагаагаа өргөжүүлж, 2021 оны шилдэг мэдээллийн сайтаар шалгарч, МСНЭ-ийн “Ган үзэг” шагналт редакц болсон.

                            Эргэлт.мн мэдээллийн сайтын редакц үүсгэн байгуулагдсаны хоёр жилийн ойгоо тохиолдуулан уншигч та бүхэнд өнгөрсөн хоёр жилийн хугацаанд бэлтгэн хүргэсэн шилдэг 30 нийтлэлээ танилцуулж байна.

2020 он

I. АЛДАХ ЭРХГҮЙ МИЛЛИМЕТР БУЮУ МЭС ЗАСЛЫН ӨРӨӨНИЙ АТАМАН

II. Э.МӨНХГЭРЭЛ: ХУДАГТ БУЛУУЛСАН ЭЭЖИЙГЭЭ ОЛОХ ГЭЖ ДОЛООН ЖИЛ ДҮҮ БИД ХОЁР АМЬДЫН ТАМД БАЙЛАА 

III. НЯЛХ ҮРЭЭ ТЭВРЭЭД, 50 КИЛОГРАММ САМАР ҮҮРЭЭД УУЛАНД ЯВЖ БАЙГАА ЭМЭГТЭЙГ ХАРАХ ХАМГИЙН ХЭЦҮҮ БАЙЛАА 

IV. “УЛААН ЧУЛУУТ” ХОГИЙН ЦЭГТ ЭМНЭЛГИЙН ЦУСТАЙ ХУРУУ ШИЛ, ЗҮҮ ТАРИУР, ШИНЖИЛГЭЭНИЙ ДЭЭЖ, АМНЫ ХААЛТНЫ ХОГОН ОВОО БИЙ БОЛЖ, НОХОЙ, ШУВУУ ШАВЖ БАЙНА 

V. “ТЭНҮҮН-ОГОО” КОМПАНИЙНХНААС ХҮН ЧАНАР НЭХЭЖ, ХУУЛИЙН ДАГУУ ХАРИУЦЛАГА ТООЦЪЁ 

VI. ХАМТРАН АМЬДРАГЧАА ХӨНӨӨЖ, ЦОГЦСЫГ НЬ МӨЧИЛЖ ШАТААСАН ХЭРЭГТ 40 НАСТАЙ Т.НАРМАНДАХЫГ СЭЖИГЛЭН ШАЛГАЖ БАЙНА 

VII. КОРОНАВИРУСИЙН ХАЛДВАРТАЙ ИРГЭН Д.МӨНХБАТ:ВИРУС “ЭНХСАРАН” СУВИЛЛЫН ХАЛУУН УСНЫ ГАЗРААС АЖИЛЧДААР НЬ ДАМЖИЖ, ИРГЭДЭД ХАЛДВАРЛАСАН 

VIII. БОГД УУЛАНД ХУУЛЬ БУСААР ГАЗАР АВСАН Д.ӨНӨРБОЛОРЫГ ШАЛГАЖ ЭХЭЛЖЭЭ  

IX. 10 НАСТАЙ ТАЛИЙГААЧ ОХИНЫ ЭЭЖ Х.УРАННАВЧ: 22-ЫН ТОВЧООНЫ ЦААНА ОХИН МИНЬ АМЬСГАЛЫН АППАРАТТАЙ ГУРВАН ЦАГ ТАРЧИЛСАН 

X. БАЛГАС ДОТОР АМЬДРАХ БЯЦХАН ҮРС 

2021 он

I. ЕРӨНХИЙ САЙД Л.ОЮУН-ЭРДЭНЭ, “ХЕРО” Б.БААТАР НАР “ДҮҮ”-ДЭЭ 1.9 ТЭРБУМЫН ТЕНДЕР ӨГЧ, ТОГЛУУЛСАН ТҮҮХ БУЮУ “АНДЛАЛЫН ЛУЙВАР” 

II. SOS: ШАХМАЛ ТҮЛШНИЙ БАРЬЦАЛДУУЛАГЧ БОДИСЫГ "АЛТАНТАРИА", "АТАР" ГУРИЛТАЙ ХОЛЬЖ БУЙ ХЭРГИЙН МӨРӨӨР... 

III. ТЭРБУМ МОД ТАРИХ АЯН ХҮДЭР СУМЫН ЗУЛЗГАН НАРСАН ОЙГ СҮЙДЭЛЖ ДУУСЛАА 

IV. АРАБУУДЫН ӨРГӨСТ ТОРОН УРХИНД НЭВТ СҮЛБҮҮЛСЭН ШОНХРЫН ЭМГЭНЭЛ 

V. ОНОШЛУУР ТОЙРСОН ХЭДЭН ТЭРБУМ ТӨГРӨГИЙН СЭЖҮҮР БУЮУ ХӨСҮТ-ИЙН “МӨНГӨНИЙ ГАХАЙ”-НУУД 

VI. ӨДӨРЖИН ХАРААЛГАЖ, ЗОДУУЛЖ, ЭЛДВЭЭР ДОРОМЖЛУУЛАН, ХҮНД ХҮЧИР АЖИЛ ХИЙХ УНААЧ ХҮҮХДҮҮДИЙН ГУНИГТ ТЭМДЭГЛЭЛ 

VII. "ХЕРО" Б.БААТАР ТӨСВИЙН МӨНГИЙГ ИНГЭЖ "ИДДЭГ" 

VIII. ЦАР ТАХЛААР ӨӨД БОЛСОН ТАЛИЙГААЧИЙН СҮҮЛЧИЙН ЗАМ 

IX. ТАЛИЙГААЧ ОХИН БУСДЫН ДАРАМТ, ХҮЧИРХИЙЛЭЛД БАЙГААГАА АНГИЙН БАГШ, СУРГУУЛИЙН ЗАХИРАЛДАА МЭДЭГДЭХИЙГ ОРОЛДОЖ БАЙЖЭЭ 

X. ДОМОГТ АВАРГА Ж.МӨНХБАТЫН ГЭРГИЙ Ө.ТАМИР: ХАТУУ, ШИРҮҮН ҮГТЭЙ Ч МИНИЙ ХАНЬ ХҮНИЙ ХАЙЛАН, ХҮН ЧАНАРЫН ДЭЭД БАЙСАН ДАА 

2022 он

I. SOS: ХЯТАД ЭЗЭНТЭЙ “ШИНЬ ШИНЬ”-ИЙН УУРХАЙГААС ХҮНЦЭЛ ТЭРГҮҮТЭЙ ХИМИЙН ХОРТ БОДИС АЛДАГДАЖ, ГОЛ БОЛОН УРСЖЭЭ 

II. ХАВТГАЙН ИНГЭ ШИЛЭРСЭН АЛТАЙН ӨВӨР ГОВИЙН ХАВАР 

III. ХХ ЗУУНЫ СОНГОДОГ БАЛЕТЧИН Ю.ОЮУНЫ ХҮҮ Б.ТАМИР: Ээжийгээ “Өргөстэй тайзан дээр яаж 32 эргэдэг байсан юм бол доо" хэмээн өрөвддөг 

IV. КОМПАНИЙН "МАГНАТ", ТЕНДЕРИЙН "ХААН", МАН-ЫН ГЕНСЕК Д.АМАРБАЯСГАЛАН 

V. Б.ЖАВХЛАНГИЙН ЗАВХРАЛ-II БУЮУ НД, ЭМД-ЫН САНГИЙН 130 ТЭРБУМЫГ ЗАЛГИСАН “ЧИНГИС ХААН" БАНКНЫ “НУУЦ НОЁН” 

VI. Модон чаргаар цэцэрлэгтээ ирдэг Рэнчинлхүмбийн “УЛААН ХАЦАРТНУУД” 

VII. ХЭНТИЙ НУРУУНЫ ХОЙД ХЭСЭГ АЛТАНД ШУНАСАН НИНЖА НАРЫН ГАРТ СҮЙДЭЖ ДУУСЛАА 

VIII. УУДМЫН ЦЭЭЛД Ш.ЧИМЭДЦЭЕЭ ДУУЛЖ БАЙНА 

IX. Дөрвөн настайдаа осгож, ДАХИН АМЬДАРСАН ХҮҮ 

X. Ж.ОРГИХ: Төв цэнгэлдэх хүрээлэнгээр дүүрэн “Хангай, Хангай, Хангай” гээд наадамчин олон уухайлж байсан нь үнэхээр сайхан санагдсан 

                            Мөн Эргэлт.мн мэдээллийн сайт сэтгүүлч, уран бүтээлчдийнхээ шилдгийн шилдэг бүтээлүүдийг эмхэтгэн “ЭРГЭЛТИЙН НОМЫН САН” цуврал нэртэй 10 ном бүтээж, уншигчдын хүртээл болгосон. Монголын сэтгүүл зүйн салбарт өмнө нь бие даасан чөлөөт редакц нийтлэл, ярилцлага, хөрөг, тэмдэглэл, сурвалжилга тэргүүтэй бичлэгийн бүхий л төрлөөр бичсэн бүтээлүүдийг цогцоор нь багтаасан 10 ном буюу 2600 гаруй хуудас бүхий баримт, гэрэл зураг хавсаргасан бүтээлийг нэг дор хэвлүүлж, олон нийтэд хүргэж байгаагүй. Тиймээс энэхүү “ЭРГЭЛТИЙН НОМЫН САН” цуврал нь нэг редакцаас “төрсөн” бүтээлүүдийн цуврал гэдгээрээ Монголын сэтгүүл зүйн салбарт анхдагч болсон юм.

                            "ЭРГЭЛТИЙН НОМЫН САН” цуврал нь Эргэлт.мн мэдээллийн сайтын үүсгэн байгуулагч, Ерөнхий эрхлэгч, “Балдорж шагналт” Э.Хүрэлбаатарын “Эрлийн үзүүрт”, Ерөнхий редактор, “Балдорж шагналт” Б.Энхмартын “Дэндүү үнэнч чи минь”, Улс төрийн мэдээллийн албаны дарга, сэтгүүлч Б.Бадралмаагийн “Бэрсийн нүүдэл”, Эрэн сурвалжлах, шуурхай мэдээллийн албаны дарга, сэтгүүлч Д.Чанцалдуламын “Харгуй”, Нэвтрүүлэг, тоймчдын албаны дарга, сэтгүүлч Б.Цогтбаярын “Цагийн төрх”, Эрэн сурвалжлах, шуурхай мэдээллийн албаны сэтгүүлч Б.Гүнжидийн “Гэгээ түүсэн хавар”, Соёл, урлагийн мэдээллийн албаны сэтгүүлч Д.Бямбасүрэнгийн “Сул өвс ганхсан намар”, Нэвтрүүлэг, тоймчдын албаны гадаад тойм хариуцсан сэтгүүлч А.Азсайханы “Хязгааргүй”, Гэрэл зурагчин Б.Бат-Эрдэнэ, Т.Баярсайхан, Б.Намсрай, Э.Дашнямын “Ертөнц”, Эргэлт.мн мэдээллийн сайтад ажиллаж байсан үе үеийн сэтгүүлч, уран бүтээлчдийн “Бид-Тэд” гэсэн 10 номоос бүрдэнэ.