Хүүхдүүд харьяаллын дагуу дүүрэг, сумандаа улсын ерөнхий боловсролын сургуульд элсэн орж, суралцах эрхтэй. Гэхдээ илүү сургалтын хөтөлбөртэй, нэмэлт хичээлтэй сургуульд хүүхдүүдээ сургах гэсэн эцэг эхчүүд хувийн сургуульд хүүхдүүдээ сургахыг эрмэлздэг. Харин сургалтын төлбөр нь жил, улирал бүр нэмэгддэг нь нууц биш юм. Зарим тохиолдолд дассан анги, хичээлийнх нь хөтөлбөрөөс холдуулахгүйн тулд чимээгүй нэмэгдсэн төлбөрийг нь төлдөг эцэг эхчүүд ч байдаг. Дийлэнх хувийн сургуулийн нэгдүгээр ангийн элсэлт, бүртгэл явагдсан. Гэхдээ есдүгээр сарын 1-ний өдрөөс өмнө тэд нэмэлт элсэлт авдаг. Монгол Улсад үйл ажиллагаа явуулж буй хувийн сургуулиудын сургалтын төлбөр 4-118 сая төгрөгийн хооронд байна. Тодруулбал, Улаанбаатар дахь Олон улсын дунд сургууль буюу "International school of Ulaanbaatar" сургуулийн ахлах ангийн сургалтын төлбөр 34,970 ам.доллар буюу одоогийн ханшаар 118 сая төгрөг байгаа юм. Ингээд зарим хувийн сургуулиудын сургалтын төлбөр ямар үнэтэй байгааг хүргэе.

“Шинэ-Үе” ерөнхий боловсролын сургууль

Бага- 8,000,000 төгрөг

Дунд-8,500,000 төгрөг

Ахлах- 9,000,000 төгрөгийн төлбөртэй. Тус сургууль нэгдүгээр ангиас нь эхлээд англи хэл заах бөгөөд бүх хичээлээ цөм хөтөлбөрийн дагуу явуулдаг. Мөн гуравдугаар ангиас эхлэн ерөнхий шинжлэх ухааны хичээлийг гадаад багш англи хэл дээр заах бол дөрөвдүгээр ангиас нь эхэлж  мэдээлэл технологийн хичээл ордог.

“Шинэ-Үе” сургууль тухайн хичээлийн жилд нэг өрхийн хоёр хүүхэд сурсан тохиолдолд бага хүүхдийн сургалтын төлбөрийг 10 хувь, гурван хүүхэд сурсан тохиолдолд гуравдах хүүхдийн төлбөрийг 15 хувь, дөрөв ба түүнээс дээш хүүхэд сурсан тохиолдолд бага хүүхдийн төлбөрийг 20 хувь тус тус хөнгөлнө.  Мөн олимпиад, урлаг, спорт, оюуны спортоор олон улс болон улсын хэмжээнд онцгой амжилт гаргасан тохиолдолд Сургуулийн Удирдах Зөвлөлийн шийдвэрийн дагуу уг гаргасан амжилтаас нь шалтгаалж тухайн хичээлийн жилд хөнгөлөлт үзүүлнэ.

INTERNATIONAL SCHOOL OF ULAANBAATAR

Бага-91.766.000 төгрөг

Дунд- 111.452.000 төгрөг

Ахлах- 118.898.000 төгрөг

Олон улсын бакалаврын хөтөлбөртэй сургууль. Бүх хичээл англи хэлээр явагддаг. Сурагчдынх нь 60 хувь нь гадаад хүүхдүүд. Монгол хүүхдүүд 150 ам.доллар төлж хүлээлэгт бүртгүүлнэ.

Jet International School

1-5 анги-13 сая төгрөг

6-8 анги-15 сая төгрөг

9-10 анги-17 сая төгрөг

11-12 анги-19 сая төгрөг бөгөөд мөн хичээлд ашиглах сурах бичгийн төлбөр нэмж авна. Нэг бүлээс хэдэн хүүхэд сурч байгаагаас шалтгаалж төлбөрөөс нь 5-10 хувь хөнгөлнө. Мөн дүүрэг, улс, олон улсын олимпиадад гаргасан амжилтаас нь хамаарч 5-25 хувийн хөнгөлөлт олгоно.

Green School Mongolia

Жилийн сургалтын төлбөр анги харгалзахгүйгээр 15 сая төгрөг. Нэмэлтээр 9.8 сая төгрөг төлж

• Дотуур байр

• Дүрэмт хувцас

• Өдрийн таван хоол

• Секц дугуйлан

• Автобус унаа

• Зөв төлөвшил хүмүүжлийн цогц хөтөлбөр зэрэгт хамрагдана

Тус сургууль нь гачууртад байрлах бөгөөд дотуур байртай сургууль юм. Дэлхийн Топ 1400 их дээд сургууль, олон улсын байгууллагад  шалгалтгүйгээр элсэх боломжийг бий болгодог.

ШИНЭ МОНГОЛ ХАРУМАФҮЖИ

Сургалтын төлбөр нь суралцах ангиасаа хамаараад 7-7.1 сая төгрөгийн хооронд хэлбэлзэнэ.

Tomujin Alternative School      

Жилийн сургалтын төлбөр анги хамаарахгүйгээр 29 сая төгрөг гэнэ.

Сурагчдын сурлагын чанар, гэр бүлийн байдлаас хамаарч сургалтын төлбөрийг 100 хувь хүртэл хөнгөлнө.

Nest Education IT School

 Тус сургуулийн сургалтын төлбөр 10 сая төгрөг бөгөөд   гадаад багштай англи хэлний хичээл, IQ , EQ хөгжүүлэх хичээл, тоглоомын аргаар заах мэдээлэл технологийн хичээл, дэлхийн шилдэг компаниудад дадлага хийх боломж олгодог.

“Шинэ монгол” сургууль

            Анги дүүргэлт бага сургууль 25, дунд сургууль 30, ахлах сургууль 35 хүүхэдтэй. Манай сургууль хими, биологи, физикийн иж бүрэн лаборатортайгаас гадна англи, япон хэлний 4 кабинет, бүрэн тохижуулсан технологийн кабинеттай. Тус сургуулийн нэгдүгээр ангийн сургалтын төлбөр 4.5 сая төгрөг юм.

“Глобал Иннова” сургууль

     Дэлхий нийтэд хүлээн зөвшөөрөгдөж, өдгөө 160 гаран орны олон зуун их дээд сургуульд хүлээн зөвшөөрөгдсөн Кембрижийн олон улсын хөтөлбөр хэрэгжүүлэгч 11000 сургуулийн нэг. Цэцэрлэг, бага, дунд, ахлах сургууль бүхий боловсролын түвшний тус тусын хичээлийн байртай EDU CAMPUS цогцолборт хичээл, хичээлээс гадуурх сургалтын үйл ажиллагаа явуулдаг.

         “ХОББИ" сургууль

      Хобби сургууль нь олон улсын AP сургалтын хөтөлбөр болон англи, монгол хэлний хос хөтөлбөрийг Монголдоо анхлан нэвтрүүлсэн. 1-5-р ангийн олон улсын бага ангийн сургалтын хөтөлбөрийг (IPC) ашигладаг. Түүнийг Олон Улсын Сургалтын Хөтөлбөрийн Холбооноос боловсруулсан бөгөөд хөтөлбөр нь боловсролын судалгаагаар тогтмол шинэчлэгддэг.

      Хобби сургуулийн төлбөр 17.250.000 төгрөг бөгөөд сургуулийн бүртгэл тухайн хичээлийн жилийн сургалт хүмүүжлийн үйл ажиллагаа дууссаны дараа вэбсайт дээр зарлагддаг.

ОЮУНЛАГ БҮРЭН ДУНД СУРГУУЛЬ

Бүх анги- 4.980.000

Математик, гадаад хэл, мэдээлэл зүйн гүнзгийрүүлсэн сургалттай.

Сургалтдаа оюуны сошиал сайт болох “Амжилт 2.0” сургуулийн системийг нэвтрүүлснээр зайны сургалтад  дэвшил хийж чадсан. Төгсөгчид ЭЕШ-д тогтмол дээгүүр байрт ордог бөгөөд дотоодын болон гадаадын их, дээд сургуульд 100 хувь элсэн суралцаж, тэтгэлэг авч чаддаг.