Өмнөд Солонгосын Инчон хотноо "Korea" олон улсын шатрын фестиваль 2026 олон улсын өндөр зэрэглэлийн тэмцээний нээлтийн ёслол өнөөдөр боллоо. Тэмцээний нээлтийн ёслолд “ABChess” шатрын академийн үүсгэн байгуулагч, дасгалжуулагч Б.Ану хүндэт зочноор уригдан оролцож, нээлтийн үг хэлэн тэмцээнийг албан ёсоор нээв.

     Энэхүү тэмцээн 2026 оны арваннэгдүгээр сарын 3–7-ны өдрүүдэд явагдаж өндөрлөнө.  Тус тэмцээн нь Өмнөд Солонгосын шатрын түүхэнд анх удаа дэлхийн хэмжээний мэргэжлийн их мастеруудыг нэг дор цуглуулж буйгаараа онцлог бөгөөд нийт эрэгтэй, эмэгтэй 12  Их мастер цолтон оролцож байна. Тэмцээн нийт 22 сая воны шагналын сантай юм. Сонгодог (Standard), түргэвчилсэн (Rapid), блиц (Blitz) төрлүүдээр үргэлжилж, шилдгүүдээ тодруулах юм байна. Энэ удаагийн тэмцээнд “ABChess” академийг төлөөлөн “А” ангилалд  Их мастер Д.Батсүрэн, “B” ангилалд  академийн мэргэжлийн ангийн суралцагч Б.Намуун нар өрсөлдөнө.