Хүннү гүрний 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр цэнгэл наадам хязаалан насны морины уралдаанаар эхэллээ.

Хязаалан насны морины уралдаанд 222 унаач хүүхэд гарааны зурхай руу хөдөлсөн ч нэг хүүхэд мориноосоо унажээ.

Энэ талаар ЦЕГ-ын Хэвлэл мэдээллийн төвөөс тодруулахад “Хязаалан насны морины уралдааны үеэр гараанаас гарах үед 173 номертой 10 настай эрэгтэй хүүхэд унасан. Унаач хүүхдийг 103 түргэн тусламжийн эмчийн үзлэгт оруулсан бөгөөд биеийн байдал хэвийн байна. Мөн хүүг ар гэрийнхэнд хүлээлгэж өгсөн” гэлээ.