Хүнс, Хөдөө Аж Ахуй, Хөнгөн Үйлдвэрийн сайд Ц.Идэрбат Засгийн газрын хуралдаанаар гарсан шийдвэрийг танилцууллаа

Тэрбээр "Ямааны годрон өвчинтэй холбоотой асуудал дээр эхний ээлжинд ямаагаа устгалд оруулсан малчдад  24 сая ямааны нөхөн олговорт улсын төсвөөс 5.3 тэрбум төгрөг зарцуулахаар шийдвэрлэлээ. Мөн буруутай этгээдээр нөхөн төлүүлэх болно. Мөн хоёр долоо хоногийн өмнөх хурлаар вакцин дотооддоо үйлвэрлэхэд зориулж 1.5 тэрбум төгрөгийг төсөвлөсөн. Вакцины дотооддоо үйлвэрлэх шинжлэх ухааны шат дамжлаг дуусаад олонулсын лаборатори руу явуулсан  ирэх 11 дүгээр сарын дунд үе гэхэд вакцинтай болно.

Засгийн газрын хуралдаан дээр 2026 оны нэгдсэн төсвийн тодотголд хүнсний барааны тогтвортой байдыг хангахаар 120 тэрбум төгрөг батлагдсан. Бид улаан буудайн нөөц бүрдүүлэх, нийслэлийн махны асуудал,  хүнс,  шатахуун, гурилын үйлдвэрүүдээс улаан буудай худалдан авахад  зарцуулна. Өнөөдрийн байдлаар ургац хураалт 89 хувьтай үргэлжилж байна. Нийт 327 мянган га талбайгаас 569.5 мянган тонн үр тариа авснаа 507 мянган тонн улаан буудай, 575 мянган тонн төмс, 206 мянган тонн хүнсний ногоо хурааж авсан. Төр бол анх удаа тариалан эрхлэгчдээс 100 мянган тонн нөөц улаан буудай худалдан авах ажлыг зохион байгууллаа. Одоогийн байдлаар 109.6 мянган тонн үр тариа худалдан авсан. Ингэж худалдан авах олон шалтгаан байгаа. Газар тариалангийн албарт төр дэмжлэг үзүүлэхгүй бол 2025 оны ган манай салбарт хүнд цохилт өгсөн” гэв.