Элчин сайд В.Оюу Тайландын “Цог Жавхлант” хаан Маха Вачиралонкон Пхра Вачираклаочаоюхуад Итгэмжлэх жуух бичгээ өргөн барьсан билээ. Онц бөгөөд Бүрэн эрхт Элчин сайд В.Оюуг үүрэгт ажилдаа орсонтой нь холбогдуулан Тайландын Шадар сайд бөгөөд Гадаад хэргийн сайд Сихасак Пүүанкэткяв 2026 оны аравдугаар сарын 26-ны өдөр хүлээн авч уулзав.

    Уулзалтын үеэр талууд Монгол, Тайландын хамтын ажиллагааны механизмыг боловсронгуй болгох, хоёр талын худалдааг нэмэгдүүлэхийн тулд бүс нутгийн дэд бүтцийн бүтээн байгуулалт, тэлэлтийг оновчтой ашиглах, мөн эрдэс баялаг, технологийн салбарт хамтран ажиллах боломжийг эрэлхийлэх зэрэг асуудлаар санал солилцлоо. Түүнчлэн Монгол Улс “АСЕАН”-ын хамтын ажиллагаа, хоёр талын харилцан айлчлалын асуудлыг мөн хөндөж ярилцав.

    Шадар сайд бөгөөд Гадаад хэргийн сайд Сихасак Пүүанкэткяв 2025 оны есдүгээр сард Гадаад хэргийн сайдаар томилогдсон. Үүнээс өмнө Гадаад хэргийн дэд сайд, Байнгын төрийн нарийн бичгийн дарга, мөн НҮБ-ын Женев дэх төв болон олон улсын бусад байгууллагын дэргэд суугаа Байнгын төлөөлөгч зэрэг албан тушаал хашиж байсан мэргэжлийн дипломат хүн юм.