Сүлжээ дэлгүүрийн худалдагчийг үг хэлээр доромжилж, олон нийтийн газар танхайрч, бусдын биед халдсан эмэгтэйн бичлэг цахим сүлжээнд цацагдсан билээ. Тодруулбал, өнгөрсөн амралтын өдрүүдэд 50 орчим насны эмэгтэй GS-25 сүлжээ дэлгүүрийн худалдагчийн биед халдаж, хэл амаар доромжилсон юм.

Тэгвэл олон нийтийн газар танхайрсан эмэгтэйг цагдаагийн байгууллагаас шалгаж эхэлжээ. Энэ талаар ЦЕГ-ын Хэвлэл мэдээллийн төвөөс тодруулахад “2023 оны тавдугаар сарын 16-ны өдөр Баянгол дүүргийн дөрөвдүгээр хороо, GS-25 сүлжээ дэлгүүрт иргэн Н нь үйлчлүүлж байхдаа худалдагч С биед нь халдан, хэл амаар доромжилж танхайрсан. Дээрх үйлдэлд цагдаагийн байгууллагаас зөрчлийн хэрэг нээн шалгалтын ажиллагаа явуулж байна” гэлээ.