Н.УЧРАЛ: “Шинэ цагийн малчин” төслийг үндэсний хэмжээний хөтөлбөр болгоно

2026-11-10, 126

Малчдын орлогыг нэмэгдүүлэх зорилгоор “Шинэ цагийн малчин” төслийг үндэсний хөтөлбөр болгон өргөжүүлэхээр төлөвлөжээ. Ерөнхий сайд Н.Учрал өчигдөр уг төслийн оролцогчидтой уулзахдаа энэ талаар мэдээлж, хөтөлбөрийн хүрээнд 200 мянган малчин өрхийг өндөр хурдны интернэтэд холбохоор зорьж буйгаа илэрхийлжээ. Хөтөлбөрөөр малын тэжээлийн үйлдвэрлэл, нөөцийг нэмэгдүүлж, малыг шимт тэжээлээр бордох, үүлдэр угсааг сайжруулах замаар малын ашиг шимийг өсгөхөөр төлөвлөсөн байна. Мөн малын вакцинжуулалт, гарал үүслийн бүртгэлийг сайжруулж, орон нутагт бүтээгдэхүүн цуглуулах, анхан шатны боловсруулалт хийх төвүүдийг хөргөлт, хадгалалт, тээврийн сүлжээтэй холбох аж. Түүнчлэн бэлчээрийн даацыг хэмжих, сэлгэн ашиглах, нөхөн сэргээх ажлыг дэмжихийн зэрэгцээ худаг, уст цэгийн хүртээмжийг нэмэгдүүлэхээр тус, тус төлөвлөж буйгаа хэллээ.

“Шинэ цагийн малчин” төсөл нь хувийн хэвшлийн санаачилсан реалити шоу юм. Төсөл санаачлагчдын мэдээлснээр оролцогчид уламжлалт мал маллах арга ухааныг шинэ технологитой хослуулж, хөдөлмөрийнхөө үр өгөөжийг нэмэгдүүлэх боломжийг өөрсдийн туршлагаараа харуулжээ.

М.Сүндэр

Н.УЧРАЛ: “Шинэ цагийн малчин” төслийг үндэсний хэмжээний хөтөлбөр болгоно

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид