ХХААХҮ-ийн сайд Ц.Идэрбат өвөлжилтийн бэлтгэл болон "Идэш" арга хэмжээний талаар мэдээлэл өглөө.

Тэрбээр “Идэш” арга хэмжээгээр дамжуулан иргэдэд цогц үйлчилгээ үзүүлэхийг эрмэлзэж байгаа. Тухайлбал, иргэд бод малын мах аваад хаа гуяар нь тээвэрлэж явахад хэцүү учир тэр дор нь хөрөөдөж, шулж өгдөг мах бэлтгэлийн үйлчилгээ зэхэж байна. Мөн мал махны үнэ өндөр байгаа учир иргэд нэг дор 2-3 сая төгрөг төлж, идшээ бэлдэх боломжгүй байж магадгүй.

Иймээс “Идэш” арга хэмжээний үеэр мах худалдаж авахдаа хувааж төлөх боломж бүрдүүлнэ. Өрөөр хэлбэл, зээлийн аппликейшнүүдтэй хамтран ажиллана. Нэг ч гэсэн залуу гэр бүл санхүүгийн хүндрэлгүй аппликэйшны зээлээр идшээ шийдээсэй гэж бодож байгаа. Тэнд хөргөгч, хөлдөөгч ч зарагдана. Үндсэндээ нэг дороос бүх төрлийн үйлчилгээг авах боломжийг бүрдүүлнэ. Харин мал, махны үнийн хувьд иргэд “Дэнжийн мянга” захын наймаачдад ирдэг үнэ ханшаар махаа авна. Өөрөөр хэлбэл, лангууны үнээр биш орж ирдэг үнээр нь худалдан авах боломжтой. Өвөлжилтийн тал дээр манай яам болон төрийн байгууллагууд холбогдох ажлуудаа хийсээр байгаа. Өвлийг давахад дан ганц төр гэлтгүй хадлан тэжээлээ хэрхэн бэлдсэн гэдгээс эхлээд иргэдийн оролцоо ч бас чухал.