Ерөнхий сайд Н.Учрал 2027 оны 1-р сарын 1-нээс төрийн өмчит компаниудын (ТӨК) захирлуудыг чөлөөлж, нээлттэй сонгон шалгаруулалтаар чаддаг, мэддэг хүнийг нь ажиллуулна гэж мэдэгдлээ.

Тэрбээр энэ тухай 11-р сарын 8-нд Дорноговь аймгийн Сайншанд суманд болсон "Ерөнхий сайдаас асуу" уулзалтын үеэр хэлсэн. Н.Учрал улс төрчид ТӨК-ийн засаглалд оролцохгүй байх ёстой, тэндээс гараа татах хэрэгтэй гэж онцолсон.

ТӨК-ийн удирдлагын асуудал сүүлийн үед УИХ-д удаа дараа хөндөгдөж байна. УИХ-ын гишүүн С.Цэнгүүний мэдээлснээр төрийн өмчийн оролцоотой 102 аж ахуйн нэгжийн 40-ийнх нь захирал сард 10 сая төгрөгөөс дээш цалин авдаг. Тухайлбал, "Төрийн үнэт цаас" компанийн захирал 38 сая төгрөгийн цалинтай. ТӨК-д 58 мянган хүн ажилладаг ч гүйцэтгэлийн үнэлгээ хийгддэггүй гэж гишүүн шүүмжилсэн.

Сонгон шалгаруулалтыг хэн, ямар шалгуураар зохион байгуулах талаар Засгийн газар одоогоор албан ёсоор мэдээлээгүй байна