Казахстан Улсын Туркестан хотноо ЗХУ-ын баатар, хошууч генерал С.Рахимовын дурсгалд зориулсан чөлөөт бөхийн залуучуудын олон улсын 30 дахь удаагийн тэмцээн болов.  Тус олон улсын тэмцээн 2026 оны арваннэгдүгээр сарын 4-8-ны өдрүүдэд амжилттай зохион байгуулагдлаа. Энэ удаагийн тэмцээнд Монгол, Казахстан, ОХУ, Киргизстан, Гүрж, Узбекистан, Туркменистан зэрэг долоон улсын шилдэг тамирчид өрсөлдсөн байна. Манай улсаас Говь-Алтай аймгийн "Хантайшир" сургалтын төвийн шигшээ багийн тамирчид амжилттай оролцоод ирлээ. Тэмцээний өмнө манай тамирчид насанд хүрэгчдийн чөлөөт бөхийн дэлхийн аваргын тэмцээн үзэхийн сацуу Казахстан, Киргизстан, Узбекистан Улсын тамирчидтай долоо хоногийн турш хамтарсан бэлтгэл хийж, ур чадвар, бэлтгэл сургуулилалтаа базааж оролцсон байна.

Тэмцээний медалийн эзэд:

Алтан медаль, аваргын бүс: 55 кг-ын жинд Т.Баяржаргал Говь-Алтай аймгийн Цээл сум, "Хүчтэний нийлбэр" ХХК.

Мөнгөн медаль: 74 кг-ын жинд Т.Бямбарагчаа Шарга сум, "Туушин" групп.

Хүрэл медаль: 57 кг-ын жинд Х.Пүрэвсүрэн Тонхил сум.