Австралийн Сидней хотын цагдаагийн байгууллага өнгөрсөн зургадугаар сарын 03-нд Монгол Улсын иргэн Ё.Амарбаясгаланг саатуулж, хүчингийн хэрэгт буруутган шалгах болсон. Тэгвэл тус хэрэгт нэр холбогдсон иргэнийг гэм буруугүй хэмээн тогтоож, цагаатгажээ.

Тодруулбал, Монгол Улсаас Австрали улсад суугаа Элчин сайдын яамнаас Австралийн талын цагдаа, прокурор, шүүхийн байгууллага болон өмгөөлөх талтай тогтмол холбогдон шуурхай ажилласны үр дүнд энэ сарын 05-ны өдөр Сидней хотын орон нутгийн шүүх хуралдаж Монгол Улсын иргэн Ё.Амарбаясгаланг энэ хэрэгт огт холбоогүй болохыг тогтоож, цагаатгах шийдвэрийг гаргасан байна. Манай улсаас тус улсад суугаа Онц бөгөөд Бүрэн Эрхт Элчин сайд Д.Даваасүрэн цагаатгагдсан иргэн Ё.Амарбаясгаланг гэр бүлийнх нь хамт хүлээн авч уулзжээ. Энэ үеэр иргэн Ё.Амарбаясгалан “ГХЯ болон Элчин сайдын яамнаас үзүүлсэн бүх талын туслалцаанд чин сэтгэлийн талархал илэрхийллээ” хэмээжээ.