Өмнөд Солонгосын Инчон хотод болсон “Korea International Chess Festival 2026” тэмцээний 8 насны ангилалд Х.Номт долоон өрөгт зургаан оноо авч, аварга боллоо. Энэ амжилт нь Х.Номтын олон улсын тэмцээний анхны түрүү юм. Багаасаа оюуны их спортод зүтгэсэн хөдөлмөр, тэвчээр, хичээл зүтгэлийн үр дүн гэдэг нь харагдаж байна. Инчон хотын Songdo дахь “Holiday Inn” зочид буудалд болсон тэмцээнийг “Wiz Chess Academy”, “Incheon Chess Federation”, “Yeonsugu Chess Federation” хамтран зохион байгуулсан байна.