Жил бүрийн дэлхийн хэвлэлийн эрх чөлөөний өдрийг тохиолдуулан “Глоб Интернэшнл” ТББ-аас олгодог “Үнэний төлөө” шагналын энэ удаагийн эзнээр МҮОНРТ-ийн “Ногоон шошго” нэвтрүүлгийн редактор, сэтгүүлч Ц.Цэвээнхэрлэн тодорлоо.

Уг шагналыг дараах хүмүүс хүртэж байжээ. Тодруулбал,

"Үнэний төлөө" анхны шагналыг 2008 оны долдугаар сарын 1-нийг сурвалжилсан гэрэл зурагчин Б.Бямба-Очир тэргүүтэй найман сэтгүүлчид 2009 онд олгож байжээ.

2010 онд: Завхан аймгийн "Завхан" сонины эрхлэгч Б.Мягмарсүрэн, "Өглөөний сонин"-ы сэтгүүлч, эрэн сурвалжлах, шуурхай мэдээллийн албаны дарга Х.Намуун-Уянга

2011 онд: "Өдрийн сонин"-ы Эрэн сурвалжлах сэтгүүлчдийн албаны хамт олонд болон хүний наймаа, насанд хүрээгүй охидыг бэлгийн мөлжлөгөд ашиглаж байгаа талаар цуврал нийтлэл, сурвалжлага нийтлүүлсэний төлөө эрүүгийн хэрэг үүсгэн прокурорт шилжээд буй "Зууны мэдээ" сонины сэтгүүлч Д.Болормаа

2012 онд: Баянхонгор аймгийн Хонгор телевизийн сэтгүүлч Т.Данаасүрэн

2013 онд: SBN телевизийн мэдээний албаны сэтгүүлч Г.Батхишиг, зураглаач А.Амарсанаа нар

2014 онд: ТВ 9 телевизийн "Монгол коммент" нэвтрүүлгийн уран бүтээлчдэд

2015 онд: "Өдрийн шуудан" сонины сэтгүүлч Ц.Эрдэнэцэцэг

2016 онд: “Mongolian Mining Journal” сэтгүүлийн үүсгэн байгуулагч, сэтгүүлч Л.Болормаа агсан

2017 онд: Монгол ТВ-ийн мэдээ болон нийгмийн нэвтрүүлгийн албаны дарга Э.Лхагва

2018 онд: Ийгл Ньюс телевизийн сэтгүүлч У.Болортуяа

2019 онд: iKon.mn мэдээллийн сайтын хамт олон

2020 онд: "Өнөөдөр" сонины сэтгүүлч Г.Цолмон

2021 онд: “Ийгл ньюс” телевизийн сэтгүүлч Г.Балжинням нар хүртэж байжээ.