Ирэх хагас жилийн загварын чиг хандлагыг тодорхойлох намар, өвлийн цуглуулгуудаа загварын орднууд танилцуулж эхэлсэн. Аль ч нөхцөл, ямар ч хувцастай зохицох суурь хувцаснаас гадна чимэглэл, деталиараа энэ улирлын чиг хандлага ялгарч чадах нь. 

Урт, даруу даашинз 

Хавар зуны хувцаснаас намар, өвлийн гоёлдоо шилжихдээ, төв, даруу, урт даашинзуудыг сонгоорой. Урт ханцуйтай, нэхмэл, цэвэр даавуун материалтай, уламжлалт маягийн даашинз хар, бараан өнгөтэйгээр энэ улирлын тренд болж байна. 
Haider Ackermann, Celine, Balenciaga

Хатгамал 

Шекспирийн жүжгийн гол баатруудын өмсгөл гэмээр нарийн хатгамал, өвөрмөц хээ угалз бүхий цамц, хүрэм, даашинз намрын сэрүүн, өвлийн хүйтэн өдрүүдэд өнгө нэмнэ. Тод, алтлаг өнгийн хээтэй хилэн, торго, цэвэр даавуун гоёл энэ улирлын гол чиг хандлагын нэг болох нь. 
Marni, Louis Vuitton, PacoRabanne

Эрэгтэй хүрэм 

Томдсон мэт өргөн мөртэй, урт өргөвтөр ханцуйтай хүрмийг битүү захтай нимгэн цамц, дулаан нэхмэл хантаазтай хослуулахад загварлаг харагдахаас гадна дулаан, тухтай байх болно. Энэ улиралд хар, саарал, тоонолжин хээтэй хүрэм зонхилж байна. 
Alberta Ferretti, Sportmax, Prada

Торгон савхи, латекс 

Сайтар боловсруулсан, нимгэн, торгон савхин эдлэл, латексыг загварын товчоод онцолж байна. Хүрэм, даашинз, банзлаас гадна чамин хийцийн футболк, гутал, өмдийг ч зоригтойгоор сонгож болно. 
Saint Laurent, Balmain, Sally LaPointe

Хослол 

Ноосон болон цэвэр даавуун хүрэм, мөн ийм материал, хийцтэй шулуун загварын оноотой банзлаас бүрдсэн хослолыг ажил хэрэгч хувцаслалтдаа нэмээрэй. Хэрэв та сонгодог загвар, элдэв чимэггүй байдлаас илүү сонирхолтой, дэгжин загварыг илүүд үздэг бол суран бүс, энгэрийн чамин зүүлт зэрэг аксессуарыг сонгож болох юм. Өндөр өсгийт, түрийтэй арьсан гуталтай аль алинтай нь зохицно. 
Prada, Miu Miu, Michael Kors 

Чөлөөтэй хослол 

Ажил хэргийн уулзалт, оффисын хувцаслалт уйтгартай байх ёстой гэж хэн хэлээ вэ? Минимал маягийн хүрэм, цагаан цамц, өмд, эсвэл банзлын оронд өвөрмөц хийцтэй, нарийн төвөгтэй эсгүүр бүхий загварыг сонгохыг дизайнерууд санал болгож байна. Задгай энгэртэй, бүстэй хүрэм, бэлхүүс тодотгосон ажил хэрэгч комбинезон, олон хуниас ханцуйтай хүрэм, цацган захтай цамц... Илүү чөлөөтэй, загварлаг, бусдаас ялгарах загвар... Товчхондоо, хэв маягийг эвдэж болох нь. 
Y/Project, Altuzarra, Burberry

Гүнжийн (арай өөр)даашинз 

Ордны үдэшлэг, хүлээн авалт, түүхэн киноноос харж болох дэрвэгэр хормойтой, чамин даашинзны арай өөр, илүү авангард хувилбар энэ намын гоёл болно. Торго болон тор, хилэн зэрэг илүү тансаг материалаас гадна шигтгээ, сувдан чимэглэлтэйг ч сонгоход буруудахгүй. 
Loewe, JW Anderson, Simone Rocha 

Тод өнгөний “тулаан”

Цайвар шаргал, саарал, хар, бор зэрэг өнгө уйтгартай санагдвал... 1980-аад оны тод өнгөний хослол эргэн ирсэн гэдгийг сануулъя. Маргад ногоон, тод хүрэн, нил ягаан, гүн хөх өнгө намар, өвлийн бүүдгэр өдрүүдэд шинэ өнгө нэмнэ. 
Givenchy, Saint Laurent, Mugler

Гинжин чимэглэл 

Хавар, зуны улирлын чимэглэл, зүүлтний жагсаалтыг тэргүүлж байсан том, нүсэр гинж энэ удаад хувцасны нэгэн деталь болж орж ирлээ. Алтлаг, мөнгөлөг өнгийн том гинжээр чимэглэсэн банзал, даашинз, бүс, цүнх зэрэг нь энэ улирлын бас нэгэн тренд. 
Salvatore Ferragamo, BottegaVeneta, No. 21 

Ноосон даашинз 

Зөөлөн, дулаан, өвөрмөц. Нью-Йорк, Лондон, Милан, Парисынзагварынтайзнаа ч, хүнүймсэниххотынгудамжинд, буйдтосгонд ч, ерхаа ч өмсөжболохноос, ноолуурандаашинзыгшүүгээндээнэмчихэдилүүдэхгүй. Мэдээж, галбир тодотгосон, эсвэл шулуун, олон янзын хуниас, чимэглэлтэй гээд хүсэл сонирхолдоо нийцүүлэн сонгоорой. 
Y/Project, Isabel Marant, ProenzaSchouler

Тартан, бас дахин тартан 

Шотландын язгууртан удмынхны статусыг илэрхийлдэг, өдгөө бол загварын ертөнцийн хэзээ ч хуучрахгүй, түгээмэл гоёл болох дөрвөлжин хээтэй, олон өнгийн ноосон даавуу буюу тартан энэ улиралд ч үнэ цэнээ алдсангүй. Хээ нь аль болох том, өөр хоорондоо ууссан өнгийн даашинз, хүрэм, хослол брэндүүд онцолж байна. Жийнсэн өмд, ноосон цамц, түрийтэй гутал, том, нүсэр ороолт гээд юутай ч хослуулан загварлаг дүр төрхийг бий болгох тартан хээтэй хувцас аль ч улиралд, хэзээ ч өмсөхөд тохиромжтой. 
Christian Dior, Stella McCartney, Dries Van Noten