Дархан-Уул аймгийн “Оюуны ирээдүй цогцолбор” сургуулийн нэгдүгээр давхарт байсан хүүхдүүд ханиаж, хоолой боогдож, бөөлжих, дотор муухайрах шинж тэмдэг илэрч, эмнэлэгт хүргэгджээ. Хүүхдүүдийн биеийн байдал хүнд, хүндэвтэр байгаа аж. Эмнэлгийн байгууллагынхан яг одоо хордлого тайлах эмчилгээ хийж, зарим хүүхдэд хүчилтөрөгчийн эмчилгээ хийж байна.

          Энэ талаар ЭМЯ-наас өгсөн мэдээллээр “31 хүүхэд, зургаан том хүн эмнэлэгт хэвтэн эмчлүүлж байна. Одоогийн байдлаар хоёр том хүн эрчимтэд эмчилгээ хийлгэж байгаа. Нэг хүний ухаан балартаж, харилцан ярьж чадахгүй байгаа. Мөн өөр нэг хүний үе мөч татаж, толгой нь хүчтэй өвдөж байна гэх оноштой байна. 31 хүүхдэд цаг алдалгүй эмчилгээ, туслалцаа үзүүлж байгаа. Эмнэлэгт хүргэгдсэн хүмүүсийн хоолой хорсох, толгой өвдсөн зовиуртай байна” гэлээ.