Дархан-Уул аймгийн “Оюуны ирээдүй цогцолбор” сургуулийн цайны газраас ахуйн гааз алдаж, хүүхдүүд хорджээ. Тодруулбал, өнөөдөр 11:00 цагийн үед тус сургуулийн нэгдүгээр давхарт байсан хүүхдүүд ханиаж, хоолой боогдож, бөөлжих, дотор муухайрах шинж тэмдэг илэрч, эмнэлэгт хүргэгджээ. Хүүхдүүдийн биеийн байдал хүнд, хүндэвтэр байгаа аж. Эмнэлгийн байгууллагынхан яг одоо хордлого тайлах эмчилгээ хийж, зарим хүүхдэд хүчилтөрөгчийн аппарат залгажээ.

Эмчлэгч эмчийн хэлж буйгаар “Хүүхдүүдийн биеийн байдал хүнд байна. Хордлого тайлах эмчилгээг яаралтай хийж байгаа” гэв.

Эх сурвалжийн мэдээлснээр сургуулийн цайны газарт гааз дэлбэрсэн, хий алдсан байж болзошгүй гэнэ. Мөн нулимс асгаруулагч хий цацсан байх магадлалтай талаар ч ярьж байна.