Эрх баригч намынхан Монголбанкныханд хоёр онгоц мөнгө хэвлүүлж ирэхийг даалгасан гэх мэдээлэл бий. Магадгүй түүнээс их хэмжээний мөнгө ч байж мэднэ. Уг нь зах зээлд эргэлдэж байгаа мөнгөний нөөцөө бүрдүүлэхийн манай улс гадаадад нууцын зэрэглэлтэй мөнгөө хэвлүүлдэг. Хэвлэлтээс гадна тээвэрлэж ирэхэд их хэмжээний мөнгө зарцуулдаг болохыг албаныхан онцолдог. Харин энэ удаад хэвлүүлж ирсэн их хэмжээний мөнгийг улс төрийнхэн иргэдэд чиглэсэн хөдөлмөр эрхлэлтийг дэмжих сангуудад болон ялангуяа малчдад зориулна гэжээ. Сонгууль дөхсөн энэ үед МАН-ынхан улсынхаа эдийн засгийн өсөлттэй болгож, аятайхан харагдуулчих гээд л янз бүрийн арга хэрэглэж эхлэх нь гарцаагүй. Улстөрчид нь иргэдээ мөнгөөр хуураад сурчихсан. Ядарсан иргэд нь сонгуулийн үеэр л тэднээс хэдэн төгрөгийн бараа хардаг болохоор түүнээс нь татгалзаж чаддаггүй. Харин ч олдож байгаа дээр нь гээд авцгаадаг. Сонгуулиас бусад үед улстөрчид иргэдийнхээ боломжийг хангалттай хулгайлж, баялагыг нь хувааж иддэг нь нууц биш. Тэгэхээр сонгууль бүрийн өмнө манай улс их хэмжээний мөнгө хэвлүүлж, мөнгөний нөөцөө бүрдүүлж байгаад сонгуулийн ажлаа хийдэг гэх. Гэхдээ Монголбанк их хэмжээний алттай байж л тэр дайны мөнгийг хэвлүүлэх боломжтой юм. Төгрөгийн ханш өссөнөөр буюу мөнгө хэвлүүлснээр ам.долларын ханш унадаг байна. Тухайлбал, гуравдугаар сарын сүүлчийн долоо хоногт ам.доллар 3528 байсан бол өнөөдрийн байдлаар 3493 болж буурчээ.

АГШСАН ЭДИЙН ЗАСГИЙГ АЛТ АВАРДАГ

       Цар тахлын улмаас өнгөрсөн хоёр жил манай улсын эдийн засаг тааруу байлаа. Харин одооноос сэргэж, өнгөрсөн оны мөн үеийнхээс 5.2 хувиар өндөр үзүүлэлтэй байгаа гэх тоон мэдээлэл гарсан. Монголын эдийн засгийн "голыг зогоож" буй ганц зүйл нь алт. Төсөөллийн төсөв баталдаг Засгийн газар, монголын эдийн засгийг алтнаас өөр аврах эрдэнэ байдаггүй. Алт, нүүрс хоёроо зэрэг гаргачихвал эдийн засаг тэлдэггүй юмаа гэхэд барагтай уначихдаггүй. Цар тахлын үед манай улс нүүрсээ гаргаж чадахгүй байснааар эдийн засаг хүндэвтэр, иргэдийн амьдрал тааруу, гадаадын өр зээлдээ баригдсан, дарга нарын толгой эдийн засгийн хямралтай хамт гашилсан дүр зурагтай байлаа. Жил бүр төсөөллийн төсөв баталдаг Засгийн газар, МАН-ынхан төсвийн мөнгө босгох гэж аргаа барж, орон нутгийн жижиг уул уурхайг хүртэл эрчимжүүлж, алдагдлаа нөхдөг. Энэмэтчилэн Монголбанкыг алттай болгож, мөнгөний эрэлт, хэрэгцээгээ хангаж, шаардлагатай үед ахиухан оруулж ирдэг байна.