Чөлөөт бөхийн Азийн аварга шалгаруулах тэмцээн болж байна. Манай улсын тамирчин Пүрэвдоржийн Орхон хагас шигшээд өнгөрсөн жилийн Белградын ДАШТ-ий хүрэл медальт БНХАУ-ын Луо Шяо-Жюаныг 7:3-аар ялжээ. Тодруулбал, 62 кг-ын жинд 2017 оны дэлхийн аварга, Азийн АШТ-ий алт, мөнгөн медальт “Алдар” спорт хорооны тамирчин, Монгол Улсын гавьяат тамирчин П.Орхон Ази тивийн аваргад гурав дахиа финалдаж, алтан медалийн төлөө барилдахаар болжээ. Түүний өрсөлдөгч “Токио-2020” олимпийн мөнгөн медальт, дэлхийн хошой аварга Кыргызстаны Айсулуу Тыныбекова.