• Өнөөдөр 2025-02-07

Саид Моллаи хүрэл медаль хүртлээ

2021-04-07,   714

Саид Моллаи Ази, Номхон далайн орнуудын аварга шалгаруулах тэмцээнээс хүрэл медаль хүртлээ. Киргизстан Улсын нийслэл Бишкек хотод жүдо бөхийн Ази, Номхон далайн орны аварга шалгаруулах тэмцээний хоёр дахь өдөр эрэгтэй -73 кг, -81 кг, эмэгтэй -63 кг, -70 кг жингийн барилдаан болсон юм.

Монгол Улсыг төлөөлөн 81 кг-ын жинд барилдаж буй Саид Моллаи өнөөдөр эхний тойрогтоо гоц мөргөж, хоёрдугаар тойрогтоо Ираны бөх Бакер Алзиданеныг ялан хэсгийн аваргын төлөө барилдах эрхтэй болсон байна. Түүнтэй хэсгийн аваргын төлөө Тажикстаны бөх Акмал Муродов барилдаж, Саид Моллаи ялжээ. Харин хагас шигшээд Саид Моллаи эзэн орны бөх Владимир Золоевтой барилдаж, ялагдсан байна.

Ази, Номхон далайн орны дэлхийн аварга шалгаруулах тэмцээнд Австрали, Тайвань, Фижи, Гуам, Хонконг, Энэтхэг, Иран, Япон, Иордан, Казахстан, Кувейт, Киргиз, Ливан,  Монгол, Балба, Шинэ Зеланд, Пакистан, Хятад, Филиппин, Катар, БНСУ, Саудын Араб, Сири, Тажикстан, Таиланд, Туркменистан, АНЭУ, Узбекистан, Йемен зэрэг 29 орны үндэсний шигшээ багийн эрэгтэй 112, эмэгтэй 83 нийт 195 жүдоч ур чадвараа сорин өрсөлдөж байгаа юм.

 


Саид Моллаи хүрэл медаль хүртлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.