УИХ-ын ээлжит сонгуульд нэр дэвших нам, эвслүүд тойргоос болон жагсаалтаар нэр дэвшигчдээ албан ёсоор тодруулж, Сонгуулийн ерөнхий хороонд хуулийн хугацаанд тогтоолоо өргөн мэдүүлснээ мэдэгдээд байна.

        Ардчилсан намаас жагсаалтаар нэр дэвших гишүүдээ зарлаад байна. Сангийн сайд асан С.Баярцогтыг жагсаалтаар нэр дэвшүүлэхээр болсон ч гишүүд эсэргүүцэж, Хууль зүй, дотоод хэргийн сайд асан Х.Тэмүүжинг санал болгожээ. Тодруулбал, Бага хурлын үеэр гишүүд “Х.Тэмүүжинг жагсаалтад багтаа, С.Баярцогтыг тойрогт дэвшүүл” хэмээн бухимдлаа илэрхийлжээ.

Энэ талаар Хууль зүй, дотоод хэргийн сайд асан Х.Тэмүүжингээс тодруулахад “Би Ардчилсан намаас жагсаалтаар дэвшихээр болсон. Намаас жагсаалтад нэр дэвших эрхийг өгсөн. Жагсаалтад нэр дэвших нь тодорхой болсон учраас утсаар өөр мэдээлэл өгмөөргүй байна” гэлээ.