"Астана-2026” чөлөөт бөхийн ДАШТ-ий эмэгтэйчүүдийн 55 кг-ын жинд ОУХМ Ц.Намуунцэцэг, өмнөх жил Азийн аварга болон ДАШТ-д дараалан түрүүлсэн Хойд Солонгосын Ох Кён-Рёнтой барилдахаар сугалаа татлаа. Тэд энэ оны "Улаанбаатар опен" тэмцээнд оноолтоор таарч хүч сорьсон билээ. Эмэгтэйчүүдийн 59 кг-д Х.Болортуяа эхний тойрогт гоц мөргөж, Испани болон Нигерийн бөхчүүдийн ялсныг нь хүлээхээр болов.

    Харин эрэгтэйчүүдийн 65 кг-ын жинд залуу тамирчин Б.Зэнээмэдэр, ДАШТ-ий хүрэл медальт, Европын аварга, Арменийн Вазген Теванянтай барилдана. Эрэгтэйчүүдийн 97 кг-ын жинд Т.Дэмчигдорж, Туркийн Алперен Токгозтой хүч сорино. Ялсныг нь шигшээ 16-д АНУ-ын тамирчин, олимпын наадмын алт, мөнгөн медальт, дэлхийн дөрвөн удаагийн аварга Кайл Снайдер хүлээж байна. Үдшийн 21:00 цагаас эмэгтэйчүүдийн 68 кг-ын жинд Э.Дэлгэрмаа хүрэл медалийн төлөө барилдана.