Монголын анхны "Балдорж" шагналт редакц, МСНЭ-ийн 2021 оны "Монголын шилдэг мэдээллийн сайт", “Web awards 2023” наадмын оны онцлох редакц Эргэлт.мн мэдээллийн сайт улирал бүр “Эргэлт” сэтгүүлийг эрхлэн гаргадаг билээ.

            Бид гурав дахь дугаараа нийтлэл, ярилцлага, хөрөг, тэмдэглэл, сурвалжилга, эрэн сурвалжлах сурвалжилга, аян замын тэмдэглэл, орчуулга тэргүүтэй сэтгүүл зүйн бүх төрлийг багтааж, 333 хуудаст баринтаглан уншигчдын гарт хүрэхэд бэлэн болоод байна.

Тэгвэл "Эргэлт" сэтгүүлээс онцлох гурван тамирчныг уншигч та бүхэнд танилцуулж байна.

Ш.МӨНХИЙН-ОД:МИНИЙ ДҮҮ ЭНХИЙН-ОД ЮУ ХИЙХЭЭ ХАМГИЙН САЙН МЭДДЭГ ТАМИРЧИН

         Монгол Улсын гавьяат тамирчин Ц.Шаравжамц Монголын анхны мэргэжлийн сагсан бөмбөгчин бөгөөд Ази тивээс Харлем Глобетроттерс багт тоглосон анхны монгол тоглогч билээ. Тэрбээр “Старс” клубээ 2014 онд нээж 10-15 насны охид, хөвгүүдийг сагсан бөмбөгөөр дасгалжуулахаар болж байсан билээ. Өдгөө түүний  том хүү  Ш.Мөнхийн-Од  уг клубm дасгалжуулагчаар ажиллаж байна. Түүний бага хүү Ш.Энхийн-Од нь  Сан Франциско Донс багт тоглож байна. Үүгээр ч зогсохгүй  I дивизионы спортын тэтгэлэг хүртсэн Монгол Улсын анхны тамирчин болсон билээ.

            Бид энэ удаа “Stars”клубийн дасгалжуулагч, “Этүгэн ирвэсүүд” багийн ахлагч Ш.Мөнхийн-Одтой түүний бага нас, гэр бүл болон спортын замналынх нь талаар ярилцлаа.

Ө.ИНДРА: МОНГОЛ ГЭСЭН НЭРЭЭР ОВОГЛОЖ, ТЭМЦЭЭНД ОРОЛЦОХ НЬ ТАМИРЧНЫ ХҮРТЭХ ХАМГИЙН ТОМ АЛДАР

        Монгол Улсын 3х3 эмэгтэй сагсан бөмбөгийн шигшээ багийн тамирчин Өлзийбатын Индра. Гэр бүлийнхэнтэйгээ цагийг хөгжилтэй өнгөрүүлэхээр анх бөмбөг тоглож байсан тэрбээр өнөөдөр Монголын шилдэг сагсчдын нэг болжээ. Ө.Индра оюутны лигийн үеэр багтаа 34 минутад 92 оноо авсан гайхалтай амжилтын эзэн билээ.

ЗҮҮН АЗИЙН НААДМААС АЛТАН МЕДАЛЬ ХҮРТСЭН 3Х3-ЫН БАГИЙН ТАМИРЧИН Х.ОРГИЛ: БАГААРАА ДЭЛХИЙН АВАРГА БОЛОХЫГ ЗОРЬЖ БАЙНА

           Зүүн Азийн залуучуудын спортын их наадмын сагсан бөмбөгийн 3x3-ын эрэгтэйчүүдийн ангилалд алтан медаль хүртсэн Монгол Улсын шигшээ багийн тамирчин Хүрэлбаатарын Оргилтой ярилцжээ.