Лхагвасүрэн Ганхуяг  \1980 – 2023\

        Бидний хайрт найз Лхагвасүрэн овогтой Ганхуяг нь 2023 оны аравдугаар сарын 26-ны өдөр зуурдаар таалал төгсөж, хань ижил, үр хүүхдүүд, ах, эгч, хамаатан садан, найз нөхөд, хамт олон бидэнд нөхөж баршгүй хүнд гарз, уй гашуу тохиолоо.

Бидний найз, дотны анд Л.Ганхуяг нь 1980 оны наймдугаар сарын 6-ны өдөр Баянхонгор аймагт Лхагвасүрэнгийн дөрөв дэх хүү болон мэндэлсэн.

Тэрээр 1988–1998 онд 10 жилийн гуравдугаар сургууль, 1998-2002 онд Шинжлэх Ухаан Технологийн Их сургуулийг “Уул уурхайн удирдлага” мэргэжлээр төгссөн бөгөөд 2002 - 2014 онуудад Өвөрхангай аймгийн Баянтээг ХК-д ерөнхий нягтлан бодогч, 2014 оноос хойш одоог хүртэл Баянхонгор аймгийн “Ник” ХХК-нд ахлах нягтлан бодогчоор  тус тус ажиллаж, нефть хангамжийн салбарын хөгжилд өөрийн хувь нэмэр, арвин мэдлэг, туршлага,  амьдралаа зориулсан юм.

Бидний найзын нөр их хөдөлмөр, хичээл зүтгэлийг нь хамт олон, төр засгаас өндрөөр үнэлж,

-2007 онд Монголын үйлдвэрчний эвлэлийн холбооны 80 жилийн ойн хүндэт медаль, Монгол Улсын үйлдвэр худалдааны яамны “Хүндэт жуух” бичиг

-2011 онд Ардын хувьсгалын 90 жилийн ойн медаль болон МАН-ын 90 жилийн медаль

 -2012 онд “Санхүү банкны тэргүүний ажилтан” цол тэмдэг, Монгол Улсын Сангийн Яамны “Жуух бичиг”, МУ-д Үйлдвэрчний эвлэлийн хөдөлгөөн үүсч хөгжсөний 95, Үндэсний төв байгуулагдсаны 85 жилийн ойн тэмдгүүд, МУ-д Уул уурхайн салбар үүсч хөгжсөний 90 жилийн ойн хүндэт медаль болон Баянтээг уурхай үүсч байгуулагдсаны 50 жилийн ойг тохиолдуулан хөдөлмөрчдийг эвлэл дэх эрхийг хэрэгжүүлэх хамтран эрх ашгаа хамгаалах үйлсэд оруулсан хувь нэмрийг үнэлэн аймгийн үйлдвэрчний эвлэлүүдийн холбооны баярын бичиг

-2016 онд Ник дундад бүсийн салбарын “Тэргүүний ажилтан” цол тэмдэг

 -2017 онд “Аймгийн тэргүүний ажилтан” цол тэмдгээр

-2018 оны “Ник” ХХК дундад бүсийн шилдэг ажилтан

 -2021 онд “Тэргүүн уурхайчин” цол тэмдэг,  МУ-ын Уул уурхай, хүнд үйлдвэрийн яамны “Жуух бичиг”

-2022 онд “Ник” ХХК-ны “Газрын тосны шилдэг ажилтан” болон Салбарын 80 жилийн ойн медалиар тус тус шагнагдаж, монгол улсын газрын тосны салбарт сэтгэл зүтгэлээ зориулан ажиллаж байлаа.

Найзын минь үргэлж нүдээрээ инээсэн төрх, бусадтай нөхөрсөг харилцдаг зан чанар, хүнлэг уяхан сэтгэл, хийж бүтээсэн үйл хэрэг,  хөдөлмөрч хичээнгүй,  даруу төлөв, шулуун шударга, хөдөлмөрч зан чанар, элэгсэг дотно нөхөрсөг гэгээн дүр төрх бид бүхний сэтгэл зүрхэнд үүрд мөнх, үеийн үед хоногшин  мөнхрөн үлдэх болно оо. 

Хүндэт найз минь тэнгэрийн орны дээдийн дээд суудалд түвшин заларч, хөвгүүдийнхээ, ханийхаа буян заяаг тэгшилж, асралт хөх мөнх тэнгэртээ амгалан морилж, алтан дэлхийнхээ хөрс шороонд амар тайван нойрс доо.

Баянхонгор аймгийн 10 жилийн 3-р сургуулийн 10б ангийн хамт олноос