Баян-Өлгий аймгийн төв талбайд үйл ажиллагаа явуулдаг хийлдэг хүүхдийн тоглоом салхинд хийссэний улмаас тоглож байсан хүүхдүүд гэмтэл авч, эмнэлэгт хүргэгдсэн талаар бид мэдээлсэн. Тодруулбал, өнгөрсөн амралтын өдөр хүчтэй салхины улмаас хийлдэг тоглоом хийсэж, 12, 15 настай хоёр хүүхэд хүнд гэмтжээ.

Энэ талаар ЦЕГ-ын Хэвлэл мэдээллийн төвөөс тодруулахад “2023 оны тавдугаар сарын 27-ны өдрийн 15:00 цагт Баян-өлгий аймгийн Өлгий сумын 11 дүгээр багийн нутаг дэвсгэрт буюу төв талбайд хийлдэг гулгуур салхинд хийссэн. Хийлдэг тоглоомон дээр тоглож байсан 15 хүүхдээс 12 хүүхэд гэмтэж, гэмтлийн тасагт хэвтэн эмчлүүлж байна. Дээрх гэмтлийн улмаас хоёр хүүхэд хүнд ухаангүй сэхээний тасагт байна” гэлээ.

    Иймээс эцэг эхчүүд хүүхдээ хараа хяналттай байлгаж аюултай тоглоомд тоглуулахгүй байхыг анхааруулж байна.