Орон сууцны барилгын үнэ дүүрэг, дүүргээсээ хамаараад янз бүр. Хотын төвтэй ойрхон, дууч чимээ бага, наран талдаа цонхтой гээд иргэдийн тав тух, эрэлтээс хамаараад үнэ нь өөр. Бид энэ оны эхний хоёр сарын байдлаар орон сууцны үнэ ханш ямар байгааг танилцуулж байна.

-ОРОН СУУЦНЫ ТАЛБАЙН ДУНДАЖ ҮНЭ 3.3-3.97 САЯ ТӨГРӨГИЙН ҮНЭТЭЙ БАЙНА-

              Энэ оны эхний сарын байдлаар орон сууцны үнэ Хан-Уул дүүрэгт нэгээс гурван өрөө байр 27м2-80м2 нь 3.2-3.6 сая, харин 2-3 өрөө нь 47м2-95м2 нь 3.2-3.9 сая төгрөгийн үнэтэй байсан бол Баянзүрх дүүрэгт нэгээс гурван өрөө байр 26м2-53м2 нь 3.1 сая төгрөг байна. Харин тус дүүрэгт 2-3 өрөө байр 37.60м2 -67.73 метр квадрат нь 2.8-3.2 сая төгрөгийн үнэ ханштай байна. Баянгол дүүрэгт харин нэгээс хоёр өрөө байр 1.7-2.6 сая төгрөг байна.

-Хоёрдугаар сарын байдлаар орон сууцны үнэ өмнөх сараас 0.2 хувиар өсжээ-

          Тухайлбал, энэ оны хоёрдугаар сарын байдлаар шинэ орон сууцны нэг метр квадрат талбайн дундаж үнэ 3.46 сая төгрөг болжээ. Ингэхдээ Хан-Уул дүүрэгт нэг метр квадрат нь хамгийн их буюу 3.77 сая төгрөг байна. Харин хуучин орон сууцны нэг метр квадрат, талбайн дундаж үнэ 3.3 сая төгрөг болж, Сүхбаатар дүүрэгт хамгийн өндөр буюу 3.97 сая төгрөг байгаа аж.

Энэ нь өмнөх оны мөн үеэс 11.3 хувиар, өмнөх сараас 0.2 хувиар өссөн байгааг Үндэсний статистикийн хорооноос мэдээлсэн.

    Мөн Чингэлтэй дүүрэгт шинэ орон сууц метр квадрат нь 3.70 сая төгрөг байна. Баянгол дүүрэгт харин метр квадрат нь 3.16 сая төгрөг байх бол Баянзүрх дүүрэгт 2.89 сая төгрөг байна. Харин Сонгинохайрхан дүүрэгт хамгийн бага буюу 2.47 сая төгрөг байна.

    Харин хуучин орон сууцны метр квадрат нь Хан-Уул дүүрэгт 3.62 сая төгрөг, Чингэлтэй дүүрэг 3.49 сая, Баянзүрх дүүрэгт 3.10 сая, Баянгол дүүрэгт 2.93 сая, Сонгинохайрханд 2.60 сая төгрөгийн үнэ ханштай байна. Энэ бол Үндэсний статистикийн хорооноос гаргасан сүүлийн саруудын үнэ ханш. Харин бид үргэлжлүүлэн Үнэгүй.мн, барилга.мн сайт дээрх  зарим орон сууцны үнэ ханштай танилцахад, дунджаар 3.2-3.4 сая төгрөгийн үнэтэ байна.

         Тухайлбал, үнэгүй.мн сайтад Хийморь гарден хотхонд 120.55 метр квадрат дөрвөн өрөө байр 3.4 сая төгрөгийн үнэтэй байх бол барилга.мн сайтад Баянзрх дүүрэгт байрдлах Нарт хорооллын гуравдугаар ээлжийн 480 айлын орон сууцын нэг метр квадрат талбайн үнэ 3.2 сая төгрөгийн үнэтэй байна.