Америкийн сансрын агентлаг "Перезанс ровер" роботыг Ангарагийн Жезеро хэмээх газар амжилттай газардуулжээ. Энэхүү Жезерогийн тогоо нь хуучин нуур байсан гэж судлаачид үздэг. Нуур байсан газар ус байж магадгүй гэв.

Энэхүү зургаан дугуйтай робот дор хаяж хоёр жилийн турш Ангарагийн хад чулууг өрөмдөж, судалгаа хийх аж. Роботыг амжилттай газардсан дохио ирж, Ангарагаас  эхний зураг шууд дамжуулахад судалгааны багийнхны алга ташилт удаан үргэлжилжээ.

Энэхүү явдалд АНУ-ын Ерөнхийлөгч Жо Байден баяр хүргэж "НАСА болон багийнхны шаргуу хөдөлмөр, Персеженсийн түүхэн газардалтыг боломжтой болгосонд баяр хүргэе. Өнөөдөр бол шинжлэх ухааны хүч, Америк оюун ухаан нэгдвэл боломжгүй зүйл гэж үгүй гэдгийг ахин баталсан өдөр" гэжээ.