Парис хотын Елисей ордонд 2006 онд болсон нартай ижил хязгааргүй эрчим хүч гаргаж авах цөмийн реакторын төсөл буюу Олон улсын термоядролын туршилтын гэрээнд АНУ, Европын холбоо, ОХУ, БНХАУ, БНЭУ, БНСУ албан ёсоор гарын үсэг зурсан. Тэгвэл 17 жилийн өмнө анхны гэрээнд дэлхийн орнууд хамтрахаар гарын үсэг зурж байсан хязгааргүй эрчим хүч үйлдвэрлэх цөмийн реакторын төсөл хэрэгжиж эхэлжээ. Цөмийн реакторыг урьдчилсан тооцоогоор 23 мянга гаруй тонн жинтэй, 150 сая градусын температурыг тэсвэрлэх чадвартай байхаар байгуулах бөгөөд дээр дурдсан орнуудаас гадна дэлхийн өөр 30 орчим орон хамтран ажиллаж байгаа аж.

Францын Прованс хотод бүтээн байгуулалт нь эхлээд буй хязгааргүй эрчим хүч үйлдвэрлэх цөмийн реакторт дэлхийн хамгийн шилдэг эрдэмтэн, шинжлэх ухаанчид цуглан ажиллаж байгаа талаар “Euronews” агентлаг мэдээлжээ. Уг бүтээн байгуулалт хүн төрөлхтний түүхэн дэх шинжлэх ухааны хамгийн том нээлт болоод зогсохгүй нар, нарны эрчим хүчийг “орлох” чадамжтай талаар цөмийн реакторт ажиллаж байгаа эрдэмтэд мэдэгдсэн байна.