Оросын сансрын нисгэгч Олег Кононенко “Союз” хөлөгтэй хийсэн даалгавраа өндөрлүүлж, дэлхийд газардсан. Тэгвэл Оросын сансрын нисгэгч сансарт 879 хоног 12 цагийн хугацааг өнгөрүүлснээрээ дэлхийн дээд амжилтыг шинэчилсэн байна. Өдгөө 59 настай Олег Кононенко нь 2008 оноос хойш таван удаа Олон улсын сансрын станц руу аялж, даалгавар биелүүлсэн бөгөөд хамгийн сүүлчийн даалгавар нь нутагт нэгт сансрын нисгэгч Геннадий Падалкагийн тогтоогоод байсан 878 хоног 11 цагийн дээд амжилтыг цаг гаруйн хугацаагаар шинэчлэн тогтоожээ.

                              Сансарт хамгийн олон цаг өнгөрүүлсэн дээд амжилтыг эвдсэн сансрын нисгэгч Олег Кононенко “Дээд амжилт тогтоох гэж бус дуртай зүйлийнхээ төлөө сансарт нисдэг. Багаасаа л сансрын нисгэгч болохыг мөрөөддөг, тэмүүлдэг байсан. Харин дэлхийн дээд амжилт тогтоосон минь намайг цаашид улам хичээх урам зориг өглөө” хэмээн “ТАСС” агентлаг өгсөн ярилцлагадаа дурдсан байна.