Сансар судлаачдын гаргасан шинэ тайланд сар агшиж байгаа талаар онцолжээ. Тодруулбал, судлаачдын үзсэнээр сар сүүлийн хэдэн сая жилийн хугацаанд тойргоороо агшиж, хэмжээ нь 150 фут буюу 50 орчим метрээр багассан  аж. Сарны агшсан хэмжээний тооны хувьд бага хэдий ч геологи талаасаа дэлхийд нөлөөлөх, долгион үүсгэх ч боломжтой ноцтой зүйл гэнэ. Одоогийн байдлаар сансар судлуучид “Сар бүсээрээ мөстэй байж болзошгүй” гэсэн таамаглал дэвшүүлээд байгаа бөгөөд сар юунаас болж, хэрхэн агшиж байгаа талаар өндөр магадлалтай таамаг гаргаагүй байгаа юм байна.

                          Түүнчлэн сүүлийн жилүүдэд олон улсын сарны сонирхол ихэссэн талаар бичжээ. Өнгөрсөн жил дэлхийн хэд хэдэн орон сар руу сансрын хөлгөө хөөргөснөөс Оросын “Луна-25” хөлөг сарны өмнөд туйлд осолдсон байдаг. Харин уг ослоос хэдхэн долоо хоногийн дараа Энэтхэгийн “Чандраян-3” хөлөг амжилттай газар бөгөөд НАСА мөн “Артемис-3” ажиллагааны хөлгөө сарны өмнөд туйлд газардуулахаар төлөвлөөд байгаа гэнэ. Энэ мэтчилэн олон улсад сансар судлал, сарны сонирхол жил бүр нэмэгдэж байгаа бөгөөд уг эгнээнд БНХАУ ч орж, ирээдүйд саран дээр амьдрах орчин бий болгох боломжтой эсэх талаар судалгаагаа явуулж байгаа аж.