Сансар, агаар мандал судлалын “НАСА” агентлагаас ертөнц бий болж байгааг харуулсан хүн төрөлхтний түүхэнд урьд, өмнө нь байгаагүй зургуудыг олон нийтэд ил болгосон. Тодруулбал, АНУ-ын Ерөнхийлөгчийн шууд удирдлага дор байдаг “НАСА” агентлагаас Ерөнхийлөгч Жо Байдены зарлигаар сүүлийн үед явуулсан сансар судлалын шинэ нээлтээ дэлхий дахинд зарласан юм.

“James Webb” гэх нэртэй шинэ төрлийн телескопоор долоон гэрлийн жилийн алсыг дурандаж байх үеэрээ шинэ ертөнц бий болж байгааг баримтжуулж чаджээ. Тус телескопоор авсан зургууд одоогийн байдлаар хүн төрөлхтний түүхэнд хамгийн алсаас зураг авч чадвал тохиол болж байгаа юм.

“James Webb” телескопоор даосан зургуудад галактикийн таван үзэсгэлэн багтаасан гэв. Үүнд.

• Stephan's Quintet буюу Стефаны тавт
• Carina Nebula буюу Карин Мананцарт
• Southern Ring nebula буюу Өмнөд цагирган мананцар нар багтаж байна.

Зурагт галактикийн үзэмжээс гадна 150 сая пикселтэй 1000 гаруй зургийн нийлбэр байгаа гэнэ. Олонх зураг нь 4-13 тэрбум жилийн өмнөх буюу их тэсрэлтийн дараа хүн төрөлхтний амьдарч байгаа ертөнц хэрхэн бий болсныг “James Webb” телескопын зураг баталжээ.

                 Энэ талаар “НАСА” агентлагийн тэргүүн Билл Нелсон "Бид өнгөрсөн рүү цаг хугацаагаар аялж байна. Орчлон ертөнцийг 13.8 тэрбум жилийн настай гэдгийг бид одоогоор мэдэж байгаа тул энэ нь бараг эхлэл цэгрүүгээ очиж байна гэсэн үг. Бид ганцаараа биш. Хаа нэгтээ амьдрал байгаа нь, түүнийг бид хайж олох нь цаг хугацааны асуудал” гэсэн байна.

-ЭРДЭМТЭД ДОЛООН ГЭРЛИЙН ЖИЛИЙН ЦААНА ЦЭВЭР УС БАЙГААГ ИЛРҮҮЛЖ БАЙВ-

Одон орон судлаачид 2014 од 7.3 гэрлийн жилийн алсад орших биетээс усны мөсөн үүлний шинж тэмдэг буюу цэвэр ус байгааг илрүүлсэн байдаг. Пенсильванийн их сургуулийн одон орон судлаач Кевин Лухман “НАСА”-гийн хэт улаан туяаны дурангаар тухайн орчин дахь сансрыг судалж байгаад илрүүлжээ. Түүний багийн хамтрагч Жаклин Фаэрти “Шинэ “хөрш” нь Бархасбадь шиг том, 3-10 дахин том гарагтай төстэй боловч нь ганцаардмал бөгөөд энэ нь гэрэлт туяа нь биднийг үзэхэд саад болох наргүй гэсэн үг юм. Түүгээр ч барахгүй энэ нь ойролцоо байдаг: Альфа Центаври, Барнардын од, Лухман 16-гийн дараа наранд хамгийн ойрхон дөрөв дэх систем юм” гэж байв. Тухайн үед уг нээлтийг баталгаажуулахын тулд спектр шаардлагатай гэж үзэн өнөөг хүртэл буюу “James Webb”-ийг хүлээсэн юм.

“NATURE” СЭТГҮҮЛ: Ердөө хоёр хүчин зүйлийн улмаас дэлхий дээр амьдрал үүссэн

Шинэ амьдрал үүсэх, бий болох боломжтой гаригийн хэмжүүрийн талаарх судалгааны тайлан “Nature” сэтгүүлд хэвлэгджээ. Тус судалгааг удирдаж явуулсан Рочестерийн их сургуулийн байгаль, дэлхий судлалын дэд профессор Мики Накажима “Ердөө хоёрхон хүчин зүйлийн нөлөөгөөр гаригт амьдрал үүсдэг. Үүнд сарны нөлөө маш их. Тиймээс сар хэрхэн үүссэнийг тодорхойлбол хүн төрөлхтөн хэрхэн бий болсныг мэдэхэд маш том түлхэц болно” гэсэн байна.

                 Хэрэв дэлхийгээс хэд дахин том хэмжээтэй гараг сансрын өөр нэг биеттэй мөргөлдвөл үр дүнд нь үүссэн хэлтэрхийнүүд бүрэн уурших бөгөөд эндээс сар шиг хатуу гадаргатай дагуул бүрэлдэн бий болох боломжгүй гэнэ. Харин жижиг хэмжээтэй гаригуудын мөргөлдөөн хүч багатай тул хэлтэрхийнүүд бүрэн ууршиж чадахгүй аж. Дэлхий нь 4.5 тэрбум жилийн өмнө Ангараг гариг шиг хэмжээтэй биеттэй мөргөлдсөний үр дүнд сар бий болсон гэж үздэг. Энэ үед мөргөлтөөс үүссэн хэлтэрхийнүүд бүрэн ууршиж чадаагүй учраас дэлхийн тойрог замд хуримтлагдсаар сар үүссэн гэж дүгнэдэг байна. Тиймээс их тэсрэлтээс эхлүүлэн галактик, сансар хоорондын мөргөлдөөн шинэ хүчийг бий болгодог гэж үзэж байгаа юм.