Дэлхий даяар 285 сая гаруй харааны бэрхшээлтэй хүн байдаг. Брайль үсэгтэй ном байхгүйн улмаас дэлхийд олон мянган харааны бэрхшээлтэй оюутнууд их, дээд сургуульд сурахад хүндрэлтэй байдаг учир профессор Эрик Ким хараагүй хүмүүст ээлтэй ухаалаг цаг бүтээх санаа олж, түүнийгээ хэрэгжүүлжээ.

“DOT WATCH”

Харааны бэрхшээлтэй хүмүүст зориулсан “Dot Watch” ухаалаг цаг нь энэ нэрээрээ анхных болсон төдийгүй брайль үсэгтэй дэлгэц ашигласан анхны төхөөрөмж болсон байна. “Dot Watch” ухаалаг цагийн дэлгэц нь 24 мэдрэгчтэй товчлуураар бүтээгдсэн бөгөөд мэдээллээ дамжуулахын тулд цахилгаан динамик эс ашигладаг аж. Мэдрэгч эсийн тусламжтайгаар ухаалаг цаг нь хэрэглэгчийн хуруу дэлгэцэнд хүрэхээс урьтаж мэдрэн дэлгэцээ шинэ үсгээр сэргээдэг. Ингэснээр “Dot Watch” ухаалаг цагийн хэрэглэгч хүний ярьж байгаа зүйлийг ч шууд унших боломжтой гэнэ.

Мөн  “Dot Watch” ухаалаг цаг нь сэрүүлэг, хурд хэмжигч, цаг, секундийг харуулах зэрэг ердийн цагийн функцээс гадна хосолсон программын тусламжтай олон нийтийн мэдээллийн хэрэгслээр мэдэгдэл, захидлыг унших боломжтой. Нэмж дурдахад, “Dot Watch” нь харааны бэрхшээлтэй хүмүүст зориулсан таблет, жижиг хэмжээтэй төхөөрөмж бүтээж, дэлхийн ядуу буурай оронд илүү хямд үнээр нэвтрүүлэхээр зорьж байгаа гэнэ.

 “Dot Watch” ухаалаг цаг 299 ам.долларын үнэтэй бөгөөд онлайн захиалгыг дагалдан гурван нэмэлт цагийн гадар, соронзон цэнэглэгч, нэг жилийн баталгааны хамт захиалагчдаа хүрч байна. Одоогоор 13 орноос 140 мянга гаруй хүн захиалаад байгаа юм.