Өвөрхангай аймгийн Уянга сумын 1400 гаруй га талбайд “Өгөөмөр өргөө” ХХК ашиглалтын тусгай зөвшөөрөл авчээ. Тиймээс тус сумын III, VII багийн иргэд газар нутгаа сэндийчүүлэхгүй хэмээн тэмцэж эхэлсэн байна. Энэ талаар тус сумын Засаг дарга Б.Бямбадоржоос тодрууллаа. Тэрбээр “Манай сумын иргэд өчигдөр Монголын байгаль орчны иргэний зөвлөл, “Босоо монгол” ТББ-ын удирдлагуудтай уулзаж, зөвлөгөө мэдээлэл авсан. “Өгөөмөр өргөө” ХХК манай сумын нутаг дэвсгэр үйл ажиллагаа явуулах тусгай зөвшөөрөл авчихсан. Нутгийн удирдлагууд иргэдтэйгээ нийлж, Захиргааны хэргийн шүүхэд өгсөн. Бид иргэдтэйгээ хамт тэмцэж байгаа. Тус компани өмнө нь манайд үйл ажиллагаа явуулаад 10 орчим жил болж байгаа” гэв.