Ардын нам Ардчилсан намаар "тоглож" дуусаад, С.Эрдэнээр дамжуулан "энгэр"-ийн халаасандаа хийчихлээ

Ц. АМУНДРА:
Улс төр- Тэрслүү үг

2022-04-01, 3164

Ардын нам Ардчилсан намыг амьсгаатай төдийхнөөр атгандаа байлгаж буй ашиг сонирхлоо дээд шүүхээр дамжуулан зарлав уу даа, өчигдөр. Хоёр хуваагдсан Ардчилсан хууль ёсоор чухам хэнийх нь болохыг эцэслэхгүйгээр хоёр жил хоёрын дунд байлгасан дээд шүүх өчигдөр гэнэтхэн “Ардчилсан нам бол С.Эрдэнийх” гэж шийдвэрлэв. Ингэхдээ эл шийдвэрээ Х.Баттулга, Ж.Батсуурь нарын дотоод сонгуулиас дөрөвхөн хоногийн өмнө нь зарласан нь ардаа Ардын намын явуулгатай гэж шууд уншигдаж байна.

Гэхдээ “Ардчилсан нам бол С.Эрдэнийх” гэх шийдвэрийг дээд шүүх дөнгөж өчигдөр гаргасан юм биш, хэрүүл эхлэх үед л энэ шийдвэр гаргачихсан байсан, хэрвээ хүсвэл хоёр цаг хүрэхгүй хуралдсан болоод Ардчилсан намын арслантай тамганы хэрүүлийг сая л эцэслэж байгаа мэт зарлах байсан гэвэл онох болов уу. Тэгвэл яагаад энэ шийдвэрээ аль эрт зарлахгүй хоёр жил сунжруулж, хэрүүлийг гүнзгийрүүлэв гээд бодоод үзье. Ардчилсан нам даргагүй, хагаралтай, хэрүүлтэй, хэн хэнийх нь талыг дээд шүүх зөвшөөрөхгүй мэт байх тусмаа энэ нам хүчгүй, сул дорой харагдана. Тэр хэрээр ард түмний Ардчилсан нам итгэл итгэл буурч, ирэх сонгуулиудад санал өгөх магадлал нь багасна. Энэ нь Ардын намд үлэмж ашигтай. Тиймдээ ч дээд шүүхийн С.Эрдэнийн талд гаргасан шийдвэрийг "шүүгээ"-нд нь хав даруулж байсан хэрэг. Харин одоо Ардын нам Ардчилсан намаар "тоглож" дуусаад, С.Эрдэнээр дамжуулан "энгэр"-ийн халаасандаа хийчихлээ гэх үү дээ. Ердөө л энэ.

Тэгвэл яагаад өчигдөр “Ардчилсан нам бол С.Эрдэнийх” гэж зарлах болсныг бодоод үзье. Товчхондоо, “Ардчилсан нам бол С.Эрдэнийх” гэж зарлахгүй бол Х.Баттулгад алдах эрсдэл гарч ирж л дээ. Х.Баттулга, Ж.Батсуурь нар Ардчилсан намын шинэ даргын төлөө өрсөлдөж буй. Тэд өнгөрөгч гуравдугаар сарын 16-наас дотоод сонгуулийн сурталчилгаагаа Хэнтий аймгаас эхлүүлж, хагас сарын турш 21 аймаг, есөн дүүргийн дэмжигчтэй уулзсан. Төлөвлөсөн ёсоор бол ирэх ням гарагт буюу энэ сарын 3-нд сонгуулиа явуулж, 7-нд намын их хурлаа хийж, ялсан нэр дэвшигчээ батламжлах байв. Харин Улсын дээд шүүх үүнээс өрсөж, С.Эрдэнийг Ардчилсан намын хууль ёсны намын дарга гэж зөвшөөрснөөр Ардчилсан намын шинэ даргын төлөөх сунгаа үгүйсгэгдчихлээ.

Ингэж дотоод сунгаах үгүйсгэснээрээ Ардчилсан намыг С.Эрдэнээс өөр хэнд ч өгөхгүй буюу С.Эрдэнэ л Ардчилсан намыг Ардын намын нэрийн өмнөөс амьсгаатай төдий барьж байх "даалгавартай" гэдэг яриа батлагдаж байгаа хэрэг. Юу гэхээр, Х.Баттулга, Ж.Батсуурь нарын дотоод сонгуулийн сурталчилгаа, гишүүд дэмжигчдийнх нь хандлагаас харвал Х.Баттулга ялахаар байв. Төрийн тэргүүн байсан нь илүү дэмжигчидтэй байх уу, аймгийн Засаг дарга байсан нь илүү дэмжигчидтэй байх уу гэдэг энгийн логикоор бодсон ч тэр. Хэрвээ Х.Баттулга ялж, их хурлаараа Ардчилсан намын шинэ даргаар батламжлагдчихвал өнгөрсөн удаагийнх шиг буюу О.Цогтгэрэл, М.Тулгат нар шиг нэг сандал дээр хувааж суухгүй л байсан болов уу. Өөрөөр бол, Ардчилсан намын даргын суудалд С.Эрдэнэтэй хувааж суугаад, арслантай тамгыг нь хамт хэрэглэх биш даруй дангаараа удирдахаар ажиллаж эхлэв байв. Ингэсэн тохиолдолд Ардчилсан намын асуудал илүү хурцдаж, Ардын намын хараанаас алдагдах эрсдэлтэй. Иймд дотоод сонгуулийн дүн гарахаас нь урьтаж, Ардчилсан намын С.Эрдэнэд өгчихөж байгаа хэрэг.

С.Эрдэнийн хувьд энэ хэрүүл эхлэх мөчөөс л “Ардчилсан намыг Ардын намын өмнө сөхрүүлэх даалгавартай” гэгдсэн нэгэн. 2020 оны сонгуулийн хойхно хариуцлага хүлээж байна гэж Ардчилсан намыг хаяж одсон С.Эрдэнэ хэдхэн сарын дараа ханцуй шуун буцаж ирсэн шалтгаан нь энэ байсан гэдэг. Тиймдээ ч дээд шүүх “Ардчилсан нам бол С.Эрдэнийх” гэж зарласан нь гайхах зүйл биш. Товчхондоо “С.Эрдэнэ Ардчилсан намын Ардын намын өмнө сөхрүүлэх даалгавартай” гэх яриа хов төдий хоосон яриа биш байсан нь батлагдаж байна гэсэн үг.

Ингээд хоёр жил үргэлжилсэн хэрүүл дуусаж, Ардчилсан нам Ардын намын атганд “албан ёсоор” орлоо, харамсалтай нь. Нэгэнт дээд шүүх С.Эрдэнийн талд гаргасан шийдвэрээ зарлачихсан тулд цаашид хоёр талцаж хэрэлдэх нь утгагүй. Тэгэхээр хэрүүл зогсож таарна. Харин Х.Баттулга цаашид яах вэ гэдэг сонирхолтой асуулт үлдэж байна. Хэдий Ардын нам Ардчилсан намыг атгах сонирхлоо ийн ил зарласан ч Х.Баттулгын хувьд АН-ын даргын төлөөх дотоод сунгаанд нэр дэвшсэнээрээ, 21 аймгийг тойрсноороо алдсан юм байхгүй, ашигтай л гэхээс. Жишээ нь, улс төрөөс яваагүйгээ, явахгүйгээ, 2024 оныг хүлээж буйгаа харуулчихлаа. Өөрийг нь дэмжигчид хэр олон байгааг тандаж, улс төрөө үргэлжлүүлбэл уур амьсгал ямар байхыг мэдэрчихлээ. Нэмээд Ардчилсан намыг алдлаа гэхэд МоАХ-г ч юм уу нам болгох сууриа бэлдчихлээ гэж харагдаж байна.

Ардын нам Ардчилсан намаар "тоглож" дуусаад, С.Эрдэнээр дамжуулан "энгэр"-ийн халаасандаа хийчихлээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2022-04-03 23:42:47

Зочин: Баттулга ядарсан ядуу ахмадуудад үнэндээ л тусласан шүү.
Сэтгэгдэл үлдээсэн: 2022-04-03 20:23:14

Batka: Bah melkhii heregtei ym bhdaa namag ruu n ybuulah heregtei ARDINnamin ******** doloogch
Сэтгэгдэл үлдээсэн: 2022-04-03 19:48:31

АН-ын гишүүд: Энэ бүгд бол АН өөрөө АНуус болсны л үр дагавар, бурууг бусад руу түлхэх хэрэггүй, тэгвэл өрсөлдөгчид чинь л сайн ажилласан байна, өрсөлдөгчиөд буруу юу байхав дээ
Сэтгэгдэл үлдээсэн: 2022-04-03 19:29:00

Доёо: АН-д ацнууд хэрэггүйшд Эрдэнэ,Баттулга хоёр зовлон нэгтэй хулгайч нар зовлонтойгоо эвлэрээд зоондоо хоолллох нь цаг хугацааных ,удахгүйшд.
Сэтгэгдэл үлдээсэн: 2022-04-01 18:49:41

БАТ АЛ АГА : БАТТУЛГА ПСДАКК ДАНДАА ХҮН МУУЛНАА ӨӨРӨӨ ТӨМӨР ЗАМ ГАЦААСАН АХМАДУУДЫГ ЯЛГАВАРЛАН ГАДУУРХСАН ХОГИЙН ШААР ЛАЛРЫН АТИГАР АЦ
Сэтгэгдэл үлдээсэн: 2022-04-01 08:32:05

Zochin: Nam baiguul