Баянгол дүүргийн нэрэмжит аймаг цэргийн начин цолтой бөхчүүдийн барилдаан 2026 оны аравдугаар сарын 18-ны өдөр боллоо. Тус барилдаан Баянгол дүүргийн Биеийн тамир, спортын хорооны зааланд амжилттай зохион байгуулагдлаа. Шигшээ тавд шалгарсан бөхчүүд тойргоор барилдсан юм.

    Түрүү бөхөөр Архангай аймгийн Батцэнгэл сумын харъяат аймгийн начин М. Баяржавхлан,  үзүүр бөхөөр Увс аймгийн Зүүнхангай сумын харъяат аймгийн начин Б. Энхбаяр шалгарав. Шөвгийн дөрөвт Ховд сумын харъяат цэргийн начин Г. Эрдэнэтогтох, Төв аймгийн Зуунмод сумын харъяат аймгийн начин Б. Дэлгэрдалай нар үлдсэн.

    Харин шагналт тавдугаар байрт Ховд аймгийн Мөст сумын харъяат, аймгийн начин Б.Баяраа шалгарлаа. Барилдааны нээлтийн үйл ажиллагаанд БГД-ийн Засаг даргын орлогч Д.Мөнхбаатар, БГД-ийн БТСХ-ны дарга, улсын харцага Г.Батбаяр нар оролцож шагнал гардуулав. Аймаг, цэргийн начин цолтой бөхчүүдийн барилдааныг ирэх оны хоёрдугаар сард уламжлал болгон зохион байгуулахаар боллоо.