Эрх мэдэл, албан тушаалын байдлаа урвуулан ашиглаж, бусадтай үгсэн тохиролцож, илт давуу байдал олгосон, үндэслэлгүйгээр хөрөнгөжсөн гэх үндэслэлээр цагдан хоригдсон “Эрдэнэс таван толгой” ХК-ийн Дотоод хяналт, эрсдэлийн удирдлагын газрын дарга Х.Нурлатын хөрөнгөтэй танилц. Тэрбээр 2020, 2021 онд хөрөнгө орлогоо ингэж мэдүүлжээ.

       Тэрбээр 2020 онд Эрдэнэс таван толгой” ХК-ийн Дотоод хяналт, эрсдэлийн удирдлагын газрын даргаар томилогдохдоо жилийн 204 сая төгрөгийн орлоготой байжээ. Харин томилогдоод жилийн дараа буюу 2021 онд жилийн нийт орлого 302 сая төгрөг гэж мэдүүлжээ. Өөрөөр хэлбэл, жилийн дотор өрхийн орлого нь 100 сая төгрөгөөр нэмэгдсэн гэсэн үг. Гэр бүлийн орлого нь 2020 онд 45 сая байсан бол 2021 онд 123 сая төгрөг болжээ.

Харин 2020 онд 100 сая төгрөгөөр үнэлэгдэх суудлын жижиг машин, Nissan, Teana- нэг ,жижиг оврын ачааны машин-нэг, жийп болон туулах чадвар өндөр,Lexus, RX 350-тэй гэж мэдүүлсэн байна. 2021 онд 147 сая төгрөгөөр үнэлэгдэх жижиг оврын ачааны машин,- нэг, жийп болон туулах чадвар өндөр,Lexus, RX 350-тэй гэж мэдүүлжээ.

Мөн тэрбээр 390 сая төгрөгөөр үнэлэгдэх орон сууцтай.

Х.Нурлат нь 2020 онд 403 сая төгрөгөөр үнэлэгдэх хурдан удмын адуу 70, адуу-35, сайн үүлдрийн 25 үхэртэй байжээ. Харин 2021 онд Сайн үүлдрийн 30 үхэр-, хурдан удмын 120 адуутай болжээ.

 Тэрбээр 63 сая төгрөгийн үнэт эдлэлтэй. Түүнчлэн 10 сая төгрөгөөр үнэлэгдэх хоёр газартай аж. Х.Нурлатын хадгаламж 2020 онд 35 сая байсан бол 2021 онд 48 сая төгрөг болж нэмэгджээ. Харин бусдаас авар авлага нь 2020 онд 50 сая байсан бол 2021 онд 80 сая болж нэмэгдсэн байна.

ТЭРБЭЭР НИЙТ 1.6 ТЭРБУМ ТӨГРӨГИЙН ХӨРӨНГӨТЭЙ.