Хууль хяналтын байгууллагаас “Эрдэнэс таван толгой” ХК-ийн Худалдан авалтын хэлтсийн дарга Б.Отгонжаргалын албан өрөө болон хамаарал бүхий этгээдийн гэрт нэгжлэг хийж, их хэмжээний бэлэн мөнгө, автомашиныг хураан авч, битүүмжилсэн талаар мэдээлсэн билээ. Мөн бид Б.Отгонжаргал гэж хэн бэ гэдгийг танилцуулсан. Тэгвэл хоёр ч яаманд ажиллаж, төрийн байгууллагуудад жил алгасахгүй хуулийн зөвлөхөөр ажилласан Б.Отгонжаргалын хөрөнгө орлогыг танилцуул байна.

Тэрбээр 2018 онд Хүний эрхийн үндэсний комиссын ахлах шинжээчээр ажиллаж байхдаа жилийн 7.2 сая төгрөгийн орлоготой байжээ. Мөн гэр бүлийн орлого нь 2.4 сая төгрөг гэж мэдүүлсэн байна.

Харин 2021 онд “Эрдэнэс таван толгой” ХК-ийн хэлтсийн даргаар томилогдоод жилийн 176 сая төгрөгийн орлоготой болжээ. Гэр бүлийнг орлого нь 123 сая болж нэмэгджээ.

Мөн тэрбээр 2018 онд 40 сая төгрөгийн орон сууцтай байсан бол 2021 онд 390 сая төгрөгийн орон сууцтай болжээ. Түүнчлэн 2018 онд 0 төгрөгийн үнэт эдлэлтэй байсан бол 2021 онд 280 сая төгрөгийн үнэт эдлэлтэй хэмээн мэдүүлжээ.

Б.Отгонжаргал нь 2018 онд малгүй байсан бол 2021 онд 15 сая төгрөгийн үнэлгээтэй 100 хонь, ямаатай болжээ. Харин автомашингүй гэж мэдүүлсэн байна.