ТАНИЛЦ: Төрийн түшээдийн 15 тэрбум төгрөгөөр үнэлэгдэх ТӨМӨР ХҮЛГҮҮД

Ц. АМУНДРА:
Улс төр- Цадиггүй улс төр

2022-04-15, 1390

УИХ-ын дарга Г.Занданшатар “Тансаг хэрэглээгээ тана” гэж ард түмнийг уриалсан. Угаас хөргөгч, хэтэвч нь хэмнэх юмгүй хоосорчихоод байгаа ард түмэн эл уриалгад нь ундууцахдаа сөргүүлээд төрийг “Ашиггүй зардлаа тана” гэж шаардсан. Тэгмэгц төрийнхөн том жийпнээсээ татгалзах “төгс” шийдэл бодож олоод, түүнийгээ түүхэнд байгаагүй хэмнэлт мэтээр ард түмэнд итгүүлэхийг оролдох болов. Уг нь ард түмэн төрийг “Төсөвтөө суулгасан үргүй зардлуудаа хас”, “Хөшөө босгож, бурхан барих, тавилга, таблет худалдаж авах тэргүүтэй хэрэгцээгүй тендерүүдээ зогсоох замаар дорвитой хэмнэлт хий” гэж шаардсан юм. Даанч төр том жийпээ суудлын “бенз”-ээр солихыгоо хэмнэлт гэж ойлгодог бололтой юм.

Тэгвэл төрийн өмчийн том жийпнүүдээр өдий хүртэл “гангарч” ирсэн УИХ, Засгийн газрын гишүүд хувьдаа хэдэн төгрөгийн хэчнээн жийптэйг тоолж үзлээ, сонирхолтой байх болов уу. Чухамдаа хувийн хаусных нь гражид хэдэн зуун саяар үнэлэгдэх төмөр хүлгүүд нь “хэвтэж” байхад төрийн мэдлийн том жийпнээс татгалзах тэдэнд юу ч биш ажээ.

УИХ-ЫН ГИШҮҮДИЙН “ЖИЙП”-НҮҮД 15 ТЭРБУМ ТӨГРӨГИЙН ҮНЭТЭЙ

УИХ-ын 76 гишүүн нийтдээ 113 автомашинтай ажээ. Нийт үнэлгээг нь тооцож үзвэл 15 тэрбум төгрөг хүрч байна. Арга ч үгүй биз, УИХ-ын гишүүдийн хувийн автомашинууд ихэвчлэн хэдэн арав, зуун саяар үнэлэгдэх тансаг зэрэглэлийн жийпнүүд учраас. Жишээ нь, УИХ-ын гишүүдэд “Lexus-570” 16, “Land Cruiser-200” 19, “Mercedes Benz” 11, “Rangerover” зургаа байдаг ажээ. УИХ-ын гишүүн Ц.Анандбазар 953 сая төгрөгөөр үнэлэгдэх дөрвөн автомашинтайгаараа тэргүүлж байгаа бол УИХ-ын гишүүн Ш.Адьшаа 952 сая төгрөгөөр үнэлэгдэх дөрвөн автомашинаараа удаалж байх аж.

Ингээд УИХ-ын гишүүдийг нэрсийн дарааллаар жагсааж сонирхуулъя.

А.Адъяасүрэн- Lexus-570, Land Cruiser-200 - 380 сая төгрөг

Ш.Адьшаа- Mercedes Benz G500, Volkswagen Passat, Land Cruiser-200, Sonata-7- 952 сая төгрөг

Н.Алтанхуяг- Lexus RX350- 55 сая төгрөг

Г.Амартүвшин- Mercedes Benz G55 AMG, Mercedes Benz ML350- 660 сая төгрөг

Ц.Анандбазар- Lexus-570, Land Cruiser-200, тусгай зориулалтын Mercedes Benz ND4190CS4J, Alphard- 953 сая төгрөг

П.Анужин- Alphard, Toyota Prius, Jeep- 280 сая төгрөг

Т.Аюурсайхан- Infiniti QX60, Toyota Prius XW30, Nissan Patrol- 307 сая төгрөг

Ё.Баатарбилэг- Lexus-570- 130 сая төгрөг

Х.Баделхан- Toyota Camry- 16 сая төгрөг

Э.Бат-Амгалан- Land Cruiser-200- 226 сая төгрөг

Д.Батлут- Toyota Kluger- 19 сая төгрөг

Ж.Батсуурь- Nissan Patrol, Toyota Prius- 136 сая төгрөг

Б.Баттөмөр- Land Cruiser-200- 160 сая төгрөг

Э.Батшугар- Land Cruiser-200, Yamaha fzr 400- 236 сая төгрөг

Д.Бат-Эрдэнэ- Mercedes Benz G55 AMG, Bentley Continental- 470 сая төгрөг

Б.Бат-Эрдэнэ- Nissan X-Trail, Nissan Datsun- 145 сая төгрөг

Ж.Бат-Эрдэнэ- Land Cruiser-200, Lexus GX460- 215 сая төгрөг

Б.Баярсайхан- BMW528, Nissan Juke, Land Cruiser-200- 342 сая төгрөг

Б.Бейсен- Lexus RX450, Toyota Prado, Land Cruiser-200- 186 сая төгрөг

Х.Болорчулуун- Mercedes Benz G500- 80 сая төгрөг

Х.Булгантуяа- Land Cruiser-80, Subaru Outback- 75 сая төгрөг

С.Бямбацогт \2017\- BMW 740- 30 сая төгрөг

С.Ганбаатар- Land Cruiser-100 хоёр ширхэг, Toyota Prius- 50 сая төгрөг

Ж.Ганбаатар- Lexus-570, Mercedes Benz S350L- 530 сая төгрөг

Г.Ганболд- Land Cruiser-200, Corolla Runx- 212 сая төгрөг

Г.Ганибал- Lexus-570, Nissan Qashqai- 125 сая төгрөг

Х.Ганхуяг- LandRover Rangerover- 130 сая төгрөг

Ц.Даваасүрэн- Suzuki Renault RXE- 85 сая төгрөг

Г.Дамдинням- Нэр дээрээ автомашингүй

Т.Доржханд- Nissan- 25 сая төгрөг

Б.Дэлгэрсайхан- LandRover Rangerover- 200 сая төгрөг

Б.Жаргалмаа- Land Cruiser-200, Toyota Harrier- 129 сая төгрөг

Ц.Идэрбат- Lexus- 24 сая төгрөг

Л.Мөнхбаатар- Lexus-570, BMW X6- 170 сая төгрөг

Ж.Мөнхбат- Land Cruiser-200- 160 сая төгрөг

Ц.Мөнх-Оргил- Lexus-570- 170 сая төгрөг

Г.Мөнхцэцэг- Lexus- 30 сая төгрөг

Ц.Мөнхцэцэг- Тусгай зориулалтын автомашин- 15 сая төгрөг

Н.Наранбаатар- Honda Logo, Hyundai Sonata-5- 74 сая төгрөг

Д.Өнөрболор- Land Cruiser-200, Land Cruiser-70, Prado- 392 сая төгрөг

Х.Нямбаатар- Land Cruiser-200- 182 сая төгрөг

М.Оюунчимэг- Suzuki Grans Vitara, BMW 528- 128 сая төгрөг

Л.Оюун-эрдэнэ- Toyota highlander- 28 сая төгрөг

Б.Пүрэвдорж- Lexus-570- 124 сая төгрөг

Ш.Раднаасэд- Land Cruiser-200- 81 сая төгрөг

Д.Сарангэрэл- Suzuki Grans Vitara, Land Cruiser-200, BMW 3201- 113 сая төгрөг

Б.Саранчимэг- Toyota camry, Jeep Wrangler- 226 сая төгрөг

Ж.Сүхбаатар- Mercedes Benz E300- 120 сая төгрөг

Д.Тогтохсүрэн- Lexus RX330- 79.8 сая төгрөг

Ц.Туваан- Land Cruiser-200- 80 сая төгрөг

Г.Тэмүүлэн- LandRover Rangerover, Lexus-570- 220 сая төгрөг

Ч.Ундрам- LandRover Rangerover хоёр ширхэг, Land Cruiser-200- 533 сая төгрөг

Н.Учрал- Lexus-570 хоёр ширхэг, Nissan Tiida- 435 сая төгрөг

Ч.Хүрэлбаатар- Нэр дээрээ автомашингүй

Д.Цогтбаатар- Lexus-570- 257 сая төгрөг

О.Цогтгэрэл- Lexus-570, Toyota Crown, Mercedes Benz GLE400, Mercedes Benz S400CDI- 825 сая төгрөг

Ц.Цэрэнпунцаг- Mercedes Benz G500, Lexus 570, Porsche Cayenne, Toyoya Sienta, LandRover Rangerover- 736 сая төгрөг

Ж.Чинбүрэн- Nissan Patrol, Nissan Murano- 379 сая төгрөг

С.Чинзориг- Volkswagen Touareg- 25 сая төгрөг

Б.Чойжилсүрэн- Нэр дээрээ автомашингүй

Б.Энх-амгалан- Land Cruiser-200, Lexus RX 350- 352 сая төгрөг

Л.Энх-Амгалан- Lexus-570- 300 сая төгрөг

Б.Энхбаяр- Land Cruiser-200- 80 сая төгрөг

Н.Энхболд- Nissan Patrol- 149 сая төгрөг

Т.Энхтүвшин- Lexus RX330, Lexus-570- 134 сая төгрөг

Ж.Эрдэнэбат- Lexus-570- 240 сая төгрөг

Г.Занданшатар- Nissan Murano- 80 сая төгрөг

Л.ОЮУН-ЭРДЭНИЙН ЗАСГИЙН ГАЗРЫН САЙД, ДЭД САЙДУУД НИЙТ 1.7 ТЭРБУМ ТӨГРӨГИЙН ҮНЭ БҮХИЙ 23 АВТОМАШИНТАЙ

Харин Засгийн газрын гишүүдийн хувьд нийт 23 автомашинтай бөгөөд нийт үнэлгээ нь 1.7 тэрбум төгрөг болж байна.

Жагсааж танилцуулбал:

Ерөнхий сайд Л.Оюун-Эрдэнэ- Toyota highlander- 28 сая төгрөг

ЗГХЭГ-ын дарга Ц.Нямдорж- Toyota venza- 29 сая төгрөг

Шадар сайд С.Амарсайхан- Lexus RX350, Mazda CX9- 202 сая төгрөг

Хууль зүй, дотоод хэргийн Х.Нямбаатар- Land Cruiser-200- 182 сая төгрөг

Сангийн сайд Б.Жавхлан- Nissan- 80 сая төгрөг

Батлан хамгаалахын сайд Г.Сайханбаяр- Lexus-570- 70 сая төгрөг

Боловсрол, шинжлэх ухааны сайд Л.Энх-Амгалан- Lexus-570- 300 сая төгрөг

Барилга, хот байгуулалтын сайд Б.Мөнхбаатар- Kia Sorento- 20 сая төгрөг

Уул уурхай, хүнд үйлдвэрийн сайд Г.Ёндон- Toyota prius- 17 сая төгрөг

Хөдөлмөр, нийгмийн хамгааллын сайд А.Ариунзаяа- Yamaha мотоцикл- 42 сая төгрөг

Эрүүл мэндийн сайд С.Энхболд- Land cruiser-200- 98 сая төгрөг

Байгаль орчин, аялал жуулчлалын сайд Б.Бат-Эрдэнэ- Chrysler Dodjedurango- 50 сая төгрөг

Дэд сайдууд:

Боловсрол, шинжлэх ухааны дэд сайд Г.Ганбаяр- Land cruiser-200- 140 сая төгрөг

Эрчим хүчний дэд сайд М.Баярмагнай- Lexus-570, Toyota Prius XW30- 115 сая төгрөг

Барилга, хот байгуулалтын дэд сайд Э.Золбоо- Lexus-570- 90 сая төгрөг

Соёлын дэд сайд М.Батбаяр- Lexus RX350- 70 сая төгрөг

Хүнс хөдөө аж ахуй, хөнгөн үйлдвэрийн дэд сайд Г.Батсуурь- Lexus RX330, Toyota Camry- 101 сая төгрөг

Батлан хамгаалахын дэд сайд Б.Баярмагнай- Lexus GX460- 75 сая төгрөг

Эрүүл мэндийн дэд сайд М.Баттүвшин- Toyota Crown- 15 сая төгрөг

Хөдөлмөр нийгмийн хамгааллын дэд сайд С.Зулпхар- Toyota Kluger- 15 сая төгрөг

Сангийн дэд сайд С.Мөнгөнчимэг- Volkswagen Touareg- 42 сая төгрөг

ТАНИЛЦ: Төрийн түшээдийн 15 тэрбум төгрөгөөр үнэлэгдэх ТӨМӨР ХҮЛГҮҮД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.