Хууль зүй дотоод хэргийн сайд Х.Нямбаатар 5Ш ажиллагааны талаар мэдээлэл өглөө. Тэрбээр “Интерполын улаан буланд эрэн сурвалжлагдаж байгаа 45 хүний 25-ынх нь амьдарч газар тогтоогдсон байна. Казакстан Улсад гурав, Туркэд дөрөв, Солонгост зургаа, АНУ-д нэг, Австралид нэг, Францад нэг, Испанид нэг, Белирусьд нэг, Хонконгод хоёр, Хятадад нэг, Швецарьд нэг, Шведэд нэг, Малайзад нэг, Киргизэд нэг хүн байна. Тэдний гадаад паспортыг хүчингүй болгохыг холбогдох байгууллагуудад хүргүүлсэн. Интерполын улаан буланд эрэн сурвалжлагдаж байгаа 12 хүнийг шилжүүлэн авчрахаар ажиллана. Шувуу ажиллагааны хүрээнд албан тушаалын гэмт хэрэгтэй холбоотой хүн цөөн байсан. 90 гаруй хувь нь цагдаагийн байгууллагын хэргийн харьяаллын дагуу шалгагдаж байгаад оргон зайлсан хүмүүс байсан. Үлдсэн нь 20-оод хүнд нь АТГ-аас мөрдөн шалгах ажиллагаа үргэлжилж байхад оргон зайлсан байдаг. Ерөнхий сайд асан Ч.Сайханбилэгийг авчрах тодорхой ажил үргэлжилж байгаа. АНУ-д мөрдөн шалгах болон бусад чиг үүргээр ажиллагаа явуулах боломж байхгүй. Түүнийг санхүүжүүлж байж болзошгүй нөхцөл байдлыг болон амьдарч байгаа газрынх нь талаар иргэдээс мэдээлэл ирсэн. Мөн Н.Удаанжаргал Малайзад байгаа гэх мэдээлэл батлагдсан. Тэдний гэм буруугийн асуудлыг бид шийдэхгүй. Тиймээс хүндрэл учруулахгүй хэргээ шалгуулах нь хэн хэндээ амар” гэлээ.