БНСУ-д визний хугацаа нь дуусаж, хууль бусаар амьдарч байсан Монгол Улсын иргэнийг хоёр настай хүүхдийнх нь хамт хорьж, Монгол руу явуулсан талаарх мэдээлэл цахим сүлжээнд гарсан. Бид үүнтэй холбоотойгоор Гадаад харилцааны яамтай холбогдуулан тодрууллаа.

                            Энэ талаар ГХЯ-ны мэргэжилтэн “Хоёр настай хүүхэд аавтайгаа хамт хоригдож байсан нь үнэн. Визний хугацаа нь дуусаж, БНСУ-д “харлаж” буюу хууль бусаар амьдарч байсан Монгол Улсын иргэнийг Солонгосын цагаачлалын албаныхан баривчилж, хоёр настай хүүхдийг нь өөр асран хамгаалагч байхгүй гэх шалтгаанаар хамт хорьсон. Уг нь хүүхдийн ээж мөн л БНСУ-д хууль буусаар амьдар байгаа юм билээ. “Баригдчихна” гэж айгаад нөхөр, хүүхэдтэйгээ холбоо бариагүй байх. Сөүл дэх Монгол Улсын консулын газраас аав, хүүхэд хоёртой холбоотой байж, хүүхдийг нь эмнэлэгт үзүүлсэн. Монгол руу явуулсан эсэх талаарх мэдээлэлгүй байна” гэв.