МАЛЧИН СУМЫН ЗАСАГ ДАРГА Б.БААСАНДОРЖ: СУМЫН ТӨВД 60-70 СМ ЗУЗААН ЦАС ОРСОН

2023-03-21, 2556

Увс аймгийн Малчин суманд салхи 24 метр секунд хүрч, цас шуурчээ. Бид цаг үеийн нөхцөл байдалтай холбоотойгоор Малчин сумын Засаг дарга Б.Баасандоржтой холбогдож тодрууллаа.

Тэрбээр “Өчигдөр буюу гуравдугаар сарын 20-ны өдрийн 07:30 цагаас 20:00 цаг хүртэл салхи 24 метр секунд хүрч, цас шуурсан. Сумын төвд 60-70 см зузаан, хөдөө, хээрийн бүсэд 30-50 см зузаан цас орсон байна. Шуурганы улмаас сумын төвөөс аймгийн төв рүү явах болон сумынхаа гурван баг руу явах зам цасанд дарагдсан.

Цасан шуурганаар мал уруудаж, тасарсан тухай дуудлага хоёр айлаас ирсэн. Дуудлагын дагуу Засаг даргын Тамгын газрын 20 гаруй хүнтэй баг гурван машинтай хөдөлсөн. Гэсэн ч зам дарагдсаны улмаас замынхаа цасыг цэвэрлэж, нэг км замыг хоёр цаг гаруйн хугацаанд туулж байна” гэв.

МАЛЧИН СУМЫН ЗАСАГ ДАРГА Б.БААСАНДОРЖ: СУМЫН ТӨВД 60-70 СМ ЗУЗААН ЦАС ОРСОН

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2023-03-21 21:23:40

Нутаг минь: Манай нутаг ч цас их унадаг газар даа. Өвөл өнжихгүй гэдэг баримтат киноны зургийг манай суманд авч байсансан, биднийг сурагч байхад

Шинэ мэдээ

Нийтлэлчид